Tags-Dil

aasrā dil ko ik umiid kā hai
ye havā kab se bādbān meñ hai

kyā 'mīr' tū rotā hai pāmālī-e-dil hī ko
un louñDoñ ne to dillī sab sar pe uThā lī hai

lahje kā ras hañsī kī dhanak chhoḌ kar gayā
vo jaate jaate dil meñ kasak chhoḌ kar gayā

yahāñ be-sūd hai zikr-e-ġham-e-dil
yahāñ koī nahīñ ġham khāne vaalā

sar meñ saudā bhī nahīñ dil meñ tamannā bhī nahīñ
lekin is tark-e-mohabbat kā bharosā bhī nahīñ

dil kī gintī na yagānoñ meñ na begānoñ meñ
lekin us jalva-gah-e-nāz se uThtā bhī nahīñ

baat ye hai ki sukūn-e-dil-e-vahshī kā maqām
kunj-e-zindāñ bhī nahīñ vus.at-e-sahrā bhī nahīñ

dil ke dar par qufl paḌā hai tum bhī chup ho ham bhī chup
ḳhāmoshī ab shart-e-vafā hai tum bhī chup ho ham bhī chup

dil se rishta TuuT gayā hai ab to zabāñ kā bhī 'shiblī'
is se baḌh kar koī sazā hai tum bhī chup ho ham bhī chup

dil meñ kuchh bhī to na rah jā.egā
jab tirī chaah nikal jā.egī

ek jā bhī nazar aa.ī na asar kī sūrat
girtī paḌtī na kahāñ āh-e-dil-e-zār phirī

ise kab koī pā saktā use kyā dekhtā koī
nazar se duur dil kī vus.atoñ meñ jo nihāñ miltā

unheñ kab niiñd aa.ī sunte sunte dil kā afsāna
yahī thā vaqt jab un ko bhī lutf-e-dāstāñ miltā

hai yād-e-yār se ik aag mushta.il dil meñ
ajab hai ḳhuld-o-jahannam haiñ muttasil dil meñ

jo chupke chupke hameñ kuchh kahe vo ap sune
paḌe usī ko jo kosegā ham ko dil dil meñ

karoge ab bhī burā.ī mai-e-muġhāñ kī shaiḳh
na kahiye muñh se magar hoge to ḳhajil dil meñ

ga.e vo paanī to multān ab gino maujeñ
kahāñ vo josh ab ai ashk pā-ba-gul dil meñ

ulū ye ḳhuub huā aap tum chale aa.e
maiñ kahtā hī thā ki aaj un se jā ke mil dil meñ

pakaḌ jo kal liyā chuskī lagāte zāhid ko
batā.ūñ kyā ki huā kaisā munfa.il dil meñ

merā hī laḳht-e-dil hai ki ham-rāh-e-ashk hai
varna rahe hai aab se ātish baham kahāñ