Tags-Dil

jahāñ dil meñ simaTte jā rahe haiñ
tamāsha ho rahā hai be-ḳhudī kā

hazāroñ saaz dil meñ baj rahe haiñ
asar hone lagā hai bandagī kā

jin kī hasrat meñ dil-e-rusvā ne ġham khaa.e bahut
sañg ham par in darīchoñ ne hī barsā.e bahut

ishrat-e-hastī pe thī 'mahtāb' duniyā kī nazar
dil ko kyā kahiye ki us ne dard apnā.e bahut

merā bhī dil nahīñ thā rukne kā
us ne bhī kah diyā ijāzat hai

dil vāhimoñ ke ḳhvāb ke pīchhe nahīñ gayā
sairāb thā sarāb ke pīchhe nahīñ gayā

tū asīr-e-bazm hai ham-suḳhan tujhe zauq-e-nāla-e-nai nahīñ
tirā dil gudāz ho kis tarah ye tire mizāj kī lai nahīñ

tirā har kamāl hai zāhirī tirā har ḳhayāl hai sarsarī
koī dil kī baat karūñ to kyā tire dil meñ aag to hai nahīñ

tirā dil ho dard se āshnā to ye naala ġhaur se sun zarā
baḌā jāñ-gusil hai ye vāqi.a ye fasāna-e-jam-o-kai nahīñ

dayār-e-dīda-o-dil meñ maiñ sochtā huuñ use
ki is se aage tasavvur muhāl hai us kā

sach pūchho to ab merā dukh tanhā.ī nahīñ
kuchh aur hī baat hai jis se dil ghabrāyā hai

'shamīm' is daur kā ye sañg-dil insāñ are tauba
ki jis se ehtirām-e-shīsha-e-dil ho nahīñ saktā

vasl kī ḳhvāhish se labrez tumhārā dil
phir bhī jaane kā kahte ho tum bhī nā

dil kī baat laboñ par le aate ho tum
lekin baat badal dete ho tum bhī nā

shā.era hone par tum mere ḳhush nahīñ par
dil hī dil meñ ḳhush hote ho tum bhī nā

bas ek baar mohabbat se dil huā ḳhālī
phir us ke ba.ad udāsī se bhar ga.e mire din

kambaḳht us ne aur bhī majbūr kar diyā
baaz aa.e ham ilāhī dil-e-nā-subūr se

koī aahaT na koī naqsh-e-qadam
jaise dil se koī guzrā hī nahīñ

ham itnā ruuh kī gahrā.iyoñ ke aadī the
ki Dūbtā huā dil Dūbtā huā na lagā

zindagī sañg-dil sahī lekin
ā.īna bhī isī chaTān meñ hai