Tags-Dil

kāġhaz-e-abrī pe likh hāl-e-dil-e-pur-soz-e-ishq
gird us ke barq kī tahrīr khīñchā chāhiye

dil-e-qāne ke ta.iiñ nān-e-javīñ ḳhush-tar ze-tar-halva
nahīñ ho ehtiyāj us ko pulāv gosht roTī kī

jigar khāne meñ apne fā.eda az-bas, tū kyā jaane
vo jaane chāshnī chakkhī ho jis ne dil kī boTī kī

is qadar tiira o sard hargiz na thā dil kā mausam kabhī
ek pal meñ ḳhudā jaane kyā ho gayā

huī thī ik ḳhatā sarzad so us ko muddateñ guzrīñ
magar ab tak mire dil se pashemānī nahīñ jaatī

mirī vahshat meñ shāyad aa chale andāz-e-ra.anā.ī
ki zulfoñ kī tarah dil kī pareshānī nahīñ jaatī

chubhan se dard se qurbat baḌhā rahā hai koī
dayār-e-dil se kahīñ duur jā rahā hai koī

nāhīd o qamar ne rātoñ ke ahvāl ko raushan kar to diyā
vo diip kisī se jal na sake jo dil meñ ujālā karte haiñ

tum arsh hilāte ho qadam rakh ke zamīñ par
is chaal se dil ho gayā pāmāl hamārā

pyaar kise kahte haiñ ye ehsās huā hai pahlī baar
mere dil meñ mīThā mīThā dard uThā hai pahlī baar

pahlī baar sunā.ī dī hai dil ke dhaḌakne kī āvāz
dekh ke terī bholī sūrat dil machlā hai pahlī baar

chāñd utar aayā hai mere ḳhvāboñ kī añgnā.ī meñ
ghūñghaT vaalī raat kā jaadū dil pe chalā hai pahlī baar

jo dil qaabū meñ ho to koī rusvā-e-jahāñ kyuuñ ho
ḳhalish kyuuñ ho tapish kyuuñ ho qalaq kyuuñ ho fuġhāñ kyuuñ ho

ye alag baat ki vo dil se kisī aur kā thā
baat to us ne hamārī bhī ba-zāhir rakkhī

koī tasavvur meñ jalva-gar hai bahār dil meñ samā rahī hai
nafas nafas gungunā rahā hai nazar nazar muskurā rahī hai

ye har adā pā.emāl ho kar bhī dil ko hai zauq-e-pā.emālī
qadam qadam par tirī javānī ajiib fitne jagā rahī hai

yās-o-hirmāñ ke añdheroñ meñ sitāre bhar do
dil ke ḳhvābīda darīchoñ se kaho aañkh maleñ

patte kī khaḌak se bhī laraztā hai mirā dil
saa.e se bhī ḳhatra mujhe daurān-e-safar hai

zar-e-ḳhushbū khanaktā rah gayā dast-e-gul-e-tar meñ
dil-e-sāda ḳharīdār-e-dil-e-sāda nikal aayā

āñkhoñ se jab ye ḳhvāb sunahre utar ga.e
ham dil meñ apne aur bhī gahre utar ga.e