Tags-Dil

tū ne kyā dil kī jagah rakkhā hai patthar mujh meñ
ġham se bhar jā.ūñ bhī to ronā nahīñ aatā hai

ham tirī chaal se dil kyūñki na hāreñ is ai charḳh
baazī dushvār hai tujh se to adū paanī ek

dil kī shikastagī suuñ paayā huuñ bādshāhī
karne kuuñ sarvarī ke aisī kulāh bas hai

mahshar ke ḳhur kī tap siiñ kuchh Dar nahīñ haman kuuñ
zulf-e-siyah kā saaya dil kī panāh bas hai

'yakrū' huā hai paanī sun 'ābrū' kā misra.a
''rakhne ko yūsufāñ ke ik dil kī chaah bas hai''

dil ke aate hī ye naqsha ho gayā
kyā batā.ūñ dosto kyā ho gayā

un pe dil aayā baḌī mushkil paḌī
mudda.ī pahlū meñ paidā ho gayā

haal kyuuñ abtar hai is darja 'nasīm'
sach kaho dil kis pe shaidā ho gayā

royā kareñge aap bhī pahroñ isī tarah
aTkā kahīñ jo aap kā dil bhī mirī tarah

ne taab hijr meñ hai na ārām vasl meñ
kam-baḳht dil ko chain nahīñ hai kisī tarah

tārīki-e-shab aur ho tārīk tarīn
tab dil ko mire aa.e haqīqat pe yaqīn

dil iztirāb-o-dard se mahrūm ho gayā
baaz aa.e tere lutf-o-karam kī nazar se ham

tarġhīb de na ai dil-e-furqat-nasīb tū
vāqif haiñ ḳhuub āh-o-fuġhāñ ke asar se ham

kabhī maz.hab thā dil meñ ab hai daulat kī panāhoñ meñ
ḳhudā kā naam le kar bhī gunahgārī kī bāteñ haiñ

kis kā naġhma hai dil kī dhaḌkan meñ
kis kī āvāz-e-pā sukūt banī

taskīn-e-dil-e-mahzūñ na huī vo sa.i-e-karam farmā bhī ga.e
is sa.i-e-karam ko kyā kahiye bahlā bhī ga.e taḌpā bhī ga.e

ik raushnī sī dil meñ thī vo bhī nahīñ rahī
vo kyā ga.e charāġh-e-tamannā bujhā ga.e

hañs hañs ke us se bāteñ kiye jā rahe ho tum
'sābir' vo dil meñ aur hī kuchh sochtā na ho

vahshat-e-dil ne kiyā hai vo bayābāñ paidā
saikḌoñ kos nahīñ sūrat-e-insāñ paidā

hamārī vo vafādārī ki tauba
aur us kī vo dil-āzārī ki tauba