Tags-Dil

har ik maqām-e-mohabbat bahut hī dilkash thā
magar ham ahl-e-mohabbat kashāñ kashāñ guzre

phuul barse kahīñ shabnam kahīñ gauhar barse
aur is dil kī taraf barse to patthar barse

harīm-e-dil meñ utartī haiñ āyateñ us kī
lahū bhī karne lagā hai tilāvateñ us kī

huī hai shāḳh-e-dil-o-jāñ pe ḳhvāhishoñ kī numū
lahū ke phuul khilā.eñgī qurbateñ us kī

isī umiid pe ḳhvāboñ kī fasl boī hai
ki kisht-e-dil meñ ugeñgī bashārateñ us kī

dil-o-nigāh ko vīrān kar diyā maiñ ne
shikast-e-ḳhvāb kā elaan kar diyā maiñ ne

gharoñ ko chhoḌ kar jab ham chale the
hamāre dil meñ kyā kyā valvale the

makān siine kā paatā huuñ dam-ba-dam ḳhālī
nazar bachā ke tū ai dil kidhar ko jaatā hai

aa rahā hai kyuuñ kisī kā naam hoñToñ tak mire
ai dil-e-muztar tujhe sabr-āzmā samjhā thā maiñ

insān huuñ dhaḌakte hue dil pe haath rakh
yuuñ Duub kar na dekh samundar nahīñ huuñ maiñ

na badalnā thā na badlā dil-e-shaidā apnā
rañg har vaqt badaltī rahī duniyā apnā

mere ġham ko bhī dil-āvez banā detā hai
terī āñkhoñ se mire ġham kā numāyāñ honā

jin ko hamdard samajhte ho hañseñge tum par
hāl-e-dil kah ke na ai 'shād' pashīmāñ honā

yād-e-yār kā aa jaanā bhī Thiik sahī
raaz magar gahrā hai dil ke machalne kā

har ek lai merī ukhḌī ukhḌī sī dil kā har taar jaise zaḳhmī
ye kaun sī aag jal rahī hai ye merī gītoñ ko kyā huā hai

chhoḌā na dil meñ sabr na ārām ne qarār
terī nigah ne saaf kiyā ghar ke ghar pe haath

khaa.e hai is maze se ġham-e-ishq merā dil
jaise gurisna maare hai halvā-e-tar pe haath

ḳhat de ke chāhtā thā zabānī bhī kuchh kahe
rakkhā magar kisī ne dil-e-nāma-bar pe haath

ai 'zauq' maiñ to baiTh gayā dil ko thaam kar
is naaz se khaḌe the vo rakh kar kamar pe haath

soch kī dīvār se lag kar haiñ ġham baiThe hue
dil meñ bhī naġhma na koī gungunāo chup raho