Tags-Dil

shaam hote hī charāġhoñ ko bujhā detā huuñ
dil hī kaafī hai tirī yaad meñ jalne ke liye

ban gayā but maiñ dekh kar tum ko
dil meñ thā dekh kar guzar jā.ūñ

pahuñcheñge tirī bazm-e-dil-ārā meñ bhī ik roz
tārīk ḳhalāoñ meñ abhī ḳhema-zanī hai

Dartā huuñ ki chupke se utar jaa.e na dil meñ
ye lamha-e-betāb ki neze kī anī hai

dil ko kis sūrat se kiije chashm-e-dilbar se judā
shīsha-e-mai ko nahīñ rakhte haiñ sāġhar se judā

us ke bahr-e-husn meñ mat chhoḌ ai dil tār-e-zulf
ġharq ho jaatī hai kashtī ho ke lañgar se judā

kanda is mere nagīn-e-dil pe terā naam hai
us ko apne ḳhātam-e-dil ke na kar ghar se judā

sozan-e-be-rishta aatī hai kasī ko kab nazar
to na ho ai āh-e-dil is jism-e-lāġhar se judā

us kī mizhgāñ se chhuḌā.ūñ dil ko kis sūrat se maiñ
panjā-e-shāhīñ nahīñ hotā kabūtar se judā

ye hādisa bhī ajab hai ki tere dīvāne
lagā.e dil se ġham-e-rozgār phirte haiñ

ye sāvan ye ghaTā ye bijliyāñ ye TūTtī rāteñ
bhalā aise meñ dil vāloñ ko kab ārām aatā hai

zamāne meñ nahīñ dil-dāda-e-mehr-o-vafā koī
tujhe dhokā hai ai dil kaun kis ke kaam aatā hai

merā saarā badan raakh ho bhī chukā maiñ ne dil ko bachāyā hai tere liye
TuuTe phūTe se dīvār-o-dar haiñ sabhī phir bhī ghar ko sajāyā hai tere liye

injī-e-dil meñ darj hoñ āyāt-e-nuqra.ī to phir
ham bhī suḳhan ke baab meñ kuchh hāv-hū kiyā kareñ

aql ne dil ko kar diyā hushiyār
bach ga.e ham fareb khāne se

dil har ghaḌī kahtā hai yuuñ jis taur se ab ho sake
uTh aur sambhal ghar se nikal aur paas us chanchal ke chal

dekhī jo us mahbūb kī ham ne jhalak hai kal kī kal
paa.ī har ik ta.avīz meñ apne dil-e-bekal kī kal

phir umr bhar kabhī na sukūñ pā sakā ye dil
kaTne the jo bhī kaT ga.e rāhat meñ chaar din

us aag ne jalā ke ye dil raakh kar diyā
uThte the 'josh' sho.ale jo vahshat meñ chaar din

kulfat-e-dil se hai jo ālūda
gauhar-e-ashk ābdār nahīñ