Tags-Dil

abrū kahāñ ne vaz.a nikālī hai ye na.ī
rahtā hai tīr-e-ġhamza mire dil meñ maar tak

us vaqt dil mirā tire panje ke biich thā
jis vaqt tū ne haat lagāyā thā haat ko

dil meñ shola thā so āñkhoñ meñ namī bantā gayā
dard kā benām jugnū raushnī bantā gayā

adam meñ rahte to shaad rahte use bhī fikr-e-sitam na hotā
jo ham na hote to dil na hotā jo dil na hotā to ġham na hotā

ye be-takalluf phirā rahī hai kashish dil-e-āshiqāñ kī us ko
vagarna aisī nazākatoñ pe ḳhirām-e-nāz ik qadam na hotā

Thānī thī dil meñ ab na mileñge kisī se ham
par kyā kareñ ki ho ga.e nā-chār jī se ham

be-ro.e misl-e-abr na niklā ġhubār-e-dil
kahte the un ko barq-e-tabassum hañsī se ham

kyā dil ko le gayā koī begāna-āshnā
kyuuñ apne jī ko lagte haiñ kuchh ajnabī se ham

le naam aarzū kā to dil ko nikāl leñ
'momin' na hoñ jo rabt rakheñ bid.atī se ham

ye dayār-e-dil ye khañDar sahī magar is kī raunaqeñ kam nahīñ
yahāñ rañg rañg ke zaḳhmoñ kā shab-o-roz mela lagā huā

sham-e-mehrāb-e-vafā ban ke hayāt-e-rusvā
dil-nigārī kā mirī kuchh to silā detī hai

lab sil ga.e the apne anā ke savāl par
go dil hī dil meñ mujh se vo maiñ us se tañg thā

mujh sā ho mazbūt dil tab mai-kashī kā naam le
mohtasib dekhā kiyā majbūr jhhallātā rahā

kyā karūñ aur kis tarah us be-qarārī kā ilaaj
yaar ke kūche meñ bhī to dil kā bahlātā rahā

naujavāñ qātil ko achchhī dil-lagī haath aa ga.ī
jab talak kuchh dam rahā bismil ko Thukrātā rahā

bahut dinoñ pe tabī.at udhar huī maa.il
bahut dinoñ pe sabā ne bhī dil kushāda kiyā

be-ḳhudī meñ jab tirī mahfil meñ dīvāne ga.e
ahl-e-dil ahl-e-havas ke farq pahchāne ga.e

faisla-kun kis qadar thī haa.e zālim kī adā
dil-jigar qalb-o-nazar ke saare afsāne ga.e

dil ke do hisse jo kar Daale the husn-o-ishq ne
ek sahrā ban gayā aur ek gulshan ho gayā

kyuuñ kah ke dil kā haal use bad-gumāñ karūñ
ye raaz vo nahīñ hai jise maiñ bayāñ karūñ