Tags-Dil

lagā tiir sā aa ke 'mānī' ke dil par
jab in abruoñ kī kamāneñ nikālīñ

nigāhoñ se nigāheñ sāmne hote hī jab laḌiyāñ
yakāyak khul ga.iiñ donoñ taraf se dil kī kuljhaḌiyāñ

hamārī aah jaise laḳht-e-dil se guth ke nikle hai
kahīñ dekhī haiñ tiiñ is lutf se phūloñ kī bhī chhaḌiyāñ

zamīñ se ye lago nahīñ gul bhalā kis tarah nikle haiñ
jo lākhoñ sūrateñ dilkash nahīñ is ḳhaak meñ gaḌiyāñ

jāvedāñ qadroñ kī sham.eñ bujh ga.iiñ to jal uThī taqdīr-e-dil
aaj is miTTī ke har zī-rūh zarre meñ bhī hai tasvīr-e-dil

apne dil kī raakh chun kar kaash in lamhoñ kī bahtī aag meñ
maiñ bhī ik sayyāl sho.ale ke varaq par likh sakūñ tafsīr-e-dil

maiñ na samjhā varna hañgāmoñ bharī duniyā meñ ik aahaT ke sañg
koī to thā aaj jis kā qahqaha dil meñ hai dāman-gīr-e-dil

rut badalte hī chaman chū ham-safīr ab ke bhī kosoñ duur se
aa ke jab is shāḳh par chahke mire dil meñ bajī zanjīr-e-dil

kyā safar thā be-sadā sadiyoñ ke pul ke us taraf us moḌ tak
pai-ba-pai ubhrā sunahrī gard se ik nāla-e-dil-gīr-e-dil

vaar duniyā ne kiye mujh par to 'amjad' maiñ ne is ghamsān meñ
apnā siina chiir kar rakh dī niyām-e-harf meñ shamshīr-e-dil

jo sar ba-hama-e-zo.am jhukā thā tire aage
jo dil ki thā rāzī-ba-razā yaad hai ab tak

khīñche butoñ ne apnī taraf zāhidoñ ke dil
qibla-numā phire haiñ shivāloñ ke sāmne

maiñ āḳhir aadmī huuñ koī laġhzish ho hī jaatī hai
magar ik vasf hai mujh meñ dil-āzārī nahīñ kartā

kyuuñ DhūñDne nikle haiñ na.e ġham kā ḳhazīna
jab dil bhī vahī dard kī daulat bhī vahī hai

tum miTā sakte nahīñ dil se mirā naam kabhī
phir kitāboñ se miTāne kī zarūrat kyā hai

tujh ko aatā hai nazar bas mirī shohrat kā ḳhayāl
soz-e-dil kī bhī ḳhabar ho to maza aa jaa.e

diyā navishta na us but ko dil ke tuude meñ
ḳhudā ke ghar kā bhalā maiñ qabāla kyā kartā

mirī taraf jo unheñ khīñchtī kashish dil kī
butoñ ko brahmanoñ kā havāla kyā kartā

kisī ne mol na pūchhā dil-e-shikasta kā
koī ḳharīd ke TuuTā piyāla kyā kartā

sidq dil se agar na ho aabid
un duāoñ kā aasrā kyā hai