Tags-Dil

dil ko tajalliyāt kā markaz banā liyā
ab un kā naam lene ke qābil huā huuñ maiñ

mire paas jo bhī thā luT gayā na vo maiñ rahā na vo dil rahā
kisī aur shai kā to zikr kyā ki ab aah meñ bhī asar nahīñ

kis tarah ujḌe sulagtī huī yādoñ ke diye
hamdamo dil ke qarīb aao ruko aur suno

dil bhī kitnā saudā.ī hai
bhāge hai afkār ke pīchhe

badan ke karb ko vo bhī samajh na pā.egā
maiñ dil meñ ro.ūñgī āñkhoñ meñ muskurā.ūñgī

paḌte hī dil pe kisī shoḳh nazar kā partav
jagmagāne lagī dhaḌkan to saje mahsūsāt

jām-o-ā.īna yahī dil thā kisī din 'jāved'
us ne toḌā hai jise sañg-dilī se haihāt

ye vo mausam hai jis meñ koī pattā bhī nahīñ hiltā
dil-e-tanhā uThātā hai sa.ūbat shām-e-hijrāñ kī

tirī dildāriyoñ se sūrat-e-begānagī niklī
ḳhushī aisī bhī hotī hai alam aisā bhī hotā hai

dil ka.aba hai dil mandir hai phir dil kyuuñ ham toḌeñ
har dil meñ ghar kar jaa.eñ aapas meñ naatā joḌeñ

us taraf jaate hue ab dil dahaltā hai 'nazīr'
zindagī meñ jis taraf se bār-hā aayā gayā

dil vo dīvāna ki dariyā se tū pyāsā lauTe
sāmne mauj-e-sarāb aa.e to paanī māñge

hāfiza zehn kā dar band kiye baiThā hai
dil bahalne ko koī yaad purānī māñge

lījiye tābānī-e-ālam ke sāmāñ ho ga.e
dil ke zarre uḌ ke har jānib pareshāñ ho ga.e

iltifāt-e-dost kā mumkin nahīñ koī sila
kam hai jān-o-dil jo sarf-e-shukr-e-ehsāñ ho ga.e

ḳhāk-e-dil ke chand zarre uḌ ga.e the ek din
ban ke taare āsmānoñ par daraḳhshāñ ho ga.e

chhā rahā hai rañg har jānib bahār-e-husn kā
vā haiñ jin ke dīda-e-dil gul-badāmāñ ho ga.e

dil meñ kitne ahd bāñdhe the bhulāne ke use
vo milā to sab irāde toḌnā achchhā lagā

sayyād is asīrī pe sau jaañ se maiñ fidā
dil-bastagī qafas kī kahāñ āshiyāne meñ

ḳhuun kī gardish meñ shāmil ho ga.ī dil kī umañg
kū-e-qātil kī taraf be-iḳhtiyārāna chalā