Tags-Dil

dil ke daaġh meñ siisa hai aur zaḳhm-e-jigar meñ tāñbā hai
itnā bhārī siina le kar shaḳhs āvāra phirtā hai

khiḌkiyāñ toḌ gayā vo sabhī jaate jaate
mere dil ko jo kirā.e kā makāñ samjhā thā

un ke har ik lams kā aisā asar mujh par huā
dil kī dīvāreñ sabhī shahr-e-nigārāñ ho ga.iiñ

ye shab-e-tanhā.ī 'sādiq' mujh ko Das letī magar
shukr hai yādeñ dar-e-dil kī nigahbāñ ho ga.iiñ

sitam ke parde meñ phir karam kar sukūn ko iztirāb kar de
dil-e-fasurda ko zindagī de shabāb ko phir shabāb kar de

ye maanā lākhoñ hikāyateñ haiñ hazāroñ dil meñ shikāyateñ haiñ
magar kaheñ kyā jo ik nazar meñ koī hameñ lā-javāb kar de

Thahar dil-e-be-qarār dam bhar vo aa.e haiñ be-hijāb ho kar
sambhal ki ye iztirāb-e-nau hī kahīñ na haa.il naqāb kar de

vo ālam-e-be-ḳhudī ho dil par vo kaifiyat be-hisī kī chhā.e
jo ārzū-e-karam miTā de jo be-niyāz-e-itāb kar de

kise dekhūñ kise āñkhoñ se lagā.ūñ ai dil
rū-e-tābāñ bhī nahīñ zulf-e-pareshāñ bhī nahīñ

kaun jaane mirā anjām sahar tak kyā ho
aaj koī dil-e-bīmār kā pursāñ bhī nahīñ

haa.e ye ghar ki ab is meñ nahīñ bastā koī
haif ye dil ki ab is meñ koī armāñ bhī nahīñ

saath us gul ke gayā dil se gulistāñ kā ḳhayāl
ab mujhe ārzū-e-fasl-e-bahārāñ bhī nahīñ

vo neshtar sahī par dil meñ jab utar jaave
nigāh-e-nāz ko phir kyuuñ na āshnā kahiye

nahīñ zarīya-e-rāhat jarāhat-e-paikāñ
vo zaḳhm-e-teġh hai jis ko ki dil-kushā kahiye

yaar jab ham-kanār hovegā
dil ko mere qarār hovegā

pāmāliyoñ kā ziina hai arsh se bhī ūñchā
dil us kī raah meñ hai kyā sarfarāz merā

maiñ kaise aur kis samt moḌtā ḳhud ko
kisī kī chaah na thī dil meñ terī chaah ke ba.ad

ahvāl-e-dil-e-zār sunāyā nahīñ jaatā
jo raaz ayaañ ho vo batāyā nahīñ jaatā

apnā to dil-e-zār hai dānā.ī se ḳhālī
nādān se nādān manāyā nahīñ jaatā

tum hī ye batāo maiñ bhulā.ūñ tumheñ kaise
is dil se koī naqsh miTāyā nahīñ jaatā