Tags-Dil

dil-e-sozāñ kuuñ Dar hai anjhuvāñ siiñ
aab ho hai sharār kā dushman

aage thā dil hī mirā ab hai khudā aap kā naam
zauq se samajhiye aap is ko nagīna apnā

mar ke bhī dil kī taḌap itnī hai
shaq huā merī lahad kā ta.avīz

jis se aayā huā dil ruk jaa.e
koī aisā bhī hai laTkā ta.avīz

dil pasījā na kisī din un kā
roz likh likh ke jalāyā ta.avīz

mahr kī tujh se tavaqqo.a thī sitamgar niklā
mom samjhe the tire dil ko so patthar niklā

dil kī ābādī kī is had hai ḳharābī ki na pūchh
jaanā jaatā hai ki us raah se lashkar niklā

ashk-e-tar qatra-e-ḳhūñ laḳht-e-jigar pārā-e-dil
ek se ek adad aañkh se bah kar niklā

miyāñ dil se ġhalat-fahmī nikālo
tumhāre bin bhī chal jā.egī duniyā

ḳhush huuñ kab dil kī dāstāñ kah kar
kyā milegā yahāñ vahāñ kah kar

maiñ ne rutba diyā hai sheroñ ko
dil-e-hassās kā dhuāñ kah kar

huā mismār sab lekin jahāñ tum ghar banāte the
vo dil kā ek TukḌā jān-e-jāñ mahfūz rakkhā hai

nahīñ mumkin magar yuuñ bhī huā dil ke samundar meñ
huī ġharqāb kashtī bādbāñ mahfūz rakkhā hai

muddatoñ ba.ad milā nāma-e-jānāñ lekin
na koī dil kī hikāyat na koī pyaar kī baat

ye ech-pech agar aur magar ye tāvīleñ
jo sāf-dil ho vo bāteñ bhī saaf kartā hai

jo hukm bhī huā sādir bas us ko maan liyā
'sa.īd' dil se kahāñ iḳhtilāf kartā hai

varaq-jāñ pe likhe maiñ ne sahīfe dil ke
is havāle se bhī maiñ sho.ala-e-be-bāk huā

ye mahfil-e-ahl-e-dil hai yahāñ ham sab mai-kash ham sab saaqī
tafrīq kareñ insānoñ meñ is bazm kā ye dastūr nahīñ

jab se dekhā hai ḳhvāb meñ us ko
dil musalsal kisī safar meñ hai

aañkh uThā kar jo ravādār na thā dekhne kā
vahī dil kartā hai ab minnat o zaarī us kī