Tags-Dil

ham se to dil meñ aap ke ab tak na ghar huā
kar lete haiñ diloñ meñ ye kis tarah raah aap

dil de ke bahr-e-fikr meñ ho ġhota-zan abas
dariyā-e-ishq kī nahīñ pā.eñge thaah aap

dil ajab mushkil meñ hai ab asl raste kī taraf
yaad pīchhe khīñchtī hai aas aage kī taraf

haajī tū to raah ko bhūlā manzil ko koī pahuñche hai
dil sā qibla chhoḌ ke tū ne ka.abe kā ehrām kiyā

yuuñ ḳhāna-e-dil meñ ik ḳhushbū ābād hai aur lau detī hai
jo bād-e-shimāl ke pahre meñ koī tanhā raat kī raanī ho

husn kī pahlī nazar hī dil kī duniyā kho ga.ī
luT ga.e āġhāz meñ dekhā nahīñ anjām tak

is dil se mire ishq ke armāñ ko nikālo
tahrīr se aurāq-e-pareshāñ ko nikālo

mumkin hai tahī kar do mujhe har kisī shai se
mumkin ho agar dil se is īmāñ ko nikālo

jis ko hai bharam aaj bhī paimān-e-vafā kā
siine se mire us dil-e-nādāñ ko nikālo

tab jā ke lagā pāoge dil apnā ḳhizāñ se
pahle to is ummīd-e-bahārāñ ko nikālo

jo sunñā chāho to bol uTTheñge añdhere bhī
na sunñā chāho to dil kī sadā sunā.ī na de

jis tarah chāhā likhīñ dil ne kahā yuuñ mat likh
saikḌoñ baar dharā aur uThāyā kāġhaz

vahī to umr mere dard-e-dil kī bhī hogī
tire shabāb kā ye kaun saal hai pyāre

phirte hī us kī aañkh ke vābasta-tar havā
maiñ dil ke saath dil nigah-e-fitna-zā ke saath

tujh se mil kar bhī na tanhā.ī miTegī merī
dil meñ rah rah ke yahī baat khaTaktī kyuuñ hai

dil meñ ubal rahe haiñ vo tūfāñ ki al-amāñ
chehre pe vo sukūn hai maano ḳhabar nahīñ

baa.eñ meñ sūraj rahe aur chāñd dahne haath meñ
dil agar raushan nahīñ to shobada-gar kuchh nahīñ