Tags-Dil

dil bhī us pal bahak sā jaatā hai
jab sitamgar ke gaal hañste haiñ

merā dil jab bhī sher buntā hai
us pe mere ḳhayāl hañste haiñ

tū 'alī' kyuuñ udaas baiThā hai
ġham ko dil se nikāl hañste haiñ

jab ākāsh kā dil dukhtā hai
bachche būḌhe shajar hajar chiḌiyāñ aur kiiḌe

apne siine meñ dabā rakkhā hai maiñ neñ us kā dil
āḳhirash thak jā.egā to apne ghar aa jā.egā

ye Thiik hai rishte meñ bañdhā rahtā hai ab dil
is kaabe meñ hotā thā kabhī jashn-e-sanam ḳhuub

zarra harīf-e-mehr daraḳhshāñ hai aaj kal
qatre ke dil meñ shorish-e-tūfāñ hai aaj kal

hai ik nigāh-e-mehr kī 'vāsif' ko aarzū
'vāsif' kā dil shikasta o vīrāñ hai aaj kal

ham us se mil ke kareñ arz-e-hāl kuchh 'irfān'
muhāl hai ye dil-e-hīla-gar ke hote hue

gaahe gaahe sāñsoñ kī āvāz sunā.ī detī hai
gaahe gaahe baj uThtī hai dil ke shikasta-sāz meñ chup

rag rag meñ jab ḳhuun kī būñdeñ bulbul ban kar chahak uThīñ
phir dil-e-'hāfiz' kyuuñ kar sādhe siine ke shīrāz meñ chup

dil par choT paḌī hai tab to aah laboñ tak aa.ī hai
yuuñ hī chhan se bol uThnā to shīshe kā dastūr nahīñ

chashm-e-bīnā se jo dekheñge mirā parda-e-dil
ai masīhā ka.ī nāsūr nazar ā.eñge

rahbarī ḳhaak rah-e-ishq meñ in se hogī
dil agar hazrat-e-'rahbar' kahīñ dhar ā.eñge

dāġh-hā-e-dil kī tābānī ga.ī
un ke jalvoñ kī farāvānī ga.ī

ek dil meñ saikḌoñ ġham kā hujūm
phir bhī us ghar kī na vīrānī ga.ī

dil bujhā jitne the armān sabhī ḳhaak hue
raakh meñ phir ye chamakte haiñ sharāre kaise

dil mirā barg-e-ḳhizāñ-dīda kī mānind sahī
maiñ parastār-e-bahārāñ huuñ hamesha kī tarah

merī mastī pe na kuchh aur gumāñ ho yaaro
sāz-e-dil hī pe to raqsāñ huuñ hamesha kī tarah

muztarib dīda-o-dil zehn hai uljhā uljhā
husn se tālib-e-darmāñ huuñ hamesha kī tarah