Tags-Dil

ḳhvāhish dil se girī
aur kaalā gulāb ban ga.ī

dekhne vaalā koī mile to dil ke daaġh dikhā.ūñ
ye nagrī andhoñ kī nagrī kis ko kyā samjhā.ūñ

chashm-e-pur-nam soz-e-dil apnī jagah lekin yahāñ
mausam-e-sar-sabz meñ raqs-e-sharar dekhegā kaun

dil-e-shahīd huā hai shahīd-e-husn-e-sifāt
pilāyā zauq-e-nazar ne bhī jām-e-āb-e-hayāt

jab yaad koī aa jaatī hai yuuñ dil kī kalī khil jaatī hai
jaise ḳhvāboñ kī duniyā meñ bachcha hañs de sote sote

kyā jāniye dil pe kyā biitī kyā jāniye aañkh ne kyā dekhā
kyuuñ chauñk ke uTh uTh paḌte haiñ ham rātoñ ko sote sote

fasleñ bītīñ mausam badlā aur vaqt ne yuuñ kyā kuchh na kiyā
vo daaġh na dil se duur huā ik umr kaTī dhote dhote

dil aayā is tarah āḳhir fareb-e-sāz-o-sāmāñ meñ
ulajh kar jaise rah jaa.e koī ḳhvāb-e-pareshāñ meñ

faroġh-e-lāla-o-ġhul kā tamāshā dekhne vaale
ye mere dil kī choTeñ haiñ jo ubhrī haiñ gulistāñ meñ

na ho pahlū meñ mere dil to koī baat kyuuñ pūchhe
yahī to ik zarīya hai hasīnoñ tak rasā.ī kā

hazāroñ dīda-o-dil-e-bām lākhoñ tuur se baḌh kar
karoḌoñ jalva-gāheñ shauq to ho ḳhud-numā.ī kā

ma.āl-e-dard-o-ġham dekho sadā-e-sāz-e-ishrat bhī
utar jaatī hai jab dil meñ fuġhāñ mālūm hotī hai

chaman meñ andalīb-e-zār kī fariyād ai 'aḳhtar'
dil-e-nādāñ ko apnī dāstāñ mālūm hotī hai

laa.eq hī na thā koī makīñ dil meñ jo rahtā
varna ye kushāda to bahut rahne ko ghar thā

dil dhaḌkā qadam ThiThke palaT kar huā mālūm
jis ne ye sadā dī thī tirā rāhguzar thā

jaam sāġhar subū ḳhum-ḳhāna banāyā hotā
zarf-e-dil dekh ke paimāna banāyā hotā

kaash allāh kā ghar jaan ke 'sho.ala' tum ne
ka.aba-e-dil ko kalīsā na banāyā hotā

dariyā-dil hai sāhil merā magar yahāñ har sail-e-balā
saa.il hai ki baḌhā aatā hai phailā.e dāman apnā

qarīb dekh ke us ko ye baat kis se kahūñ
ḳhayāl dil meñ jo aayā gunāh jaisā thā

dil ke lahū se ruuh kī hotī hai parvarish
me.arāj āgahī kī vafūr-e-mehan meñ hai