Tags-Dil

dil meñ hotā na kabhī zauq-e-tajassus kā hujūm
tujh se duniyā meñ agar aur bhī chehre hote

ġham ke bharose kyā kuchh chhoḌā kyā ab tum se bayān kareñ
ġham bhī raas aayā dil ko aur hī kuchh sāmān kareñ

thā yahāñ dil meñ tān-e-vasl-e-adū
uzr un kī zabāñ pe aane lage

tum ko karnā paḌegā uzr-e-jafā
ham agar dard-e-dil sunāne lage

Dar ham ko bhī lagtā hai raste ke sannāTe se
lekin ek safar par ai dil ab jaanā to hogā

dil kī bāteñ nahīñ hai to dilchasp hī kuchh bāteñ hoñ
zinda rahnā hai to dil ko bahlānā to hogā

jiit ke bhī vo sharminda hai haar ke bhī ham nāzāñ
kam se kam vo dil hī dil meñ ye maanā to hogā

ye batā de mujh ko mere dil kise āvāz duuñ
ḳhud masīhā hai mirā qātil kise āvāz duuñ

le gayā vo saath apne gulshan-e-dil kī bahār
suunī suunī hai mirī mahfil kise āvāz duuñ

kaisā hī khaTaktā rahe dil meñ mire paikāñ
mujh se to na hogī kabhī mehmāñ kī shikāyat

nikal chale to haiñ tarġhīb-e-dil pe ham ghar se
kahāñ lageñge Thikāne ye ab ḳhudā jaane

na dil rahā na rahī dil kī ḳhaak bhī baaqī
huzūr aa.e haiñ ab intizār farmāne

jo dil kī aag se vāqif baneñ vo kyā jaane
lipaT ke sham.a se kyuuñ jal rahe haiñ parvāne

chale to haiñ ki dikhā.eñge un ko chiir ke dil
pahuñch sakeñge ham un tak ye ab ḳhudā jaane

ye shīshe dil ke jo bikhre hue haiñ
tumhāre ishq meñ TuuTe hue haiñ

mire ehsās ke ātish-fishāñ kā
agar ho to mire dil tak dhuāñ ho

nazar ne kī nazr-e-rūh-o-dil pesh-e-lab pe shor-e-fuġhāñ se pahle
adā huā sajda-e-mohabbat ḳharosh-e-bāñg-e-azāñ se pahle

jab shaam utartī hai kyā dil pe guzartī hai
sāhil ne bahut pūchhā ḳhāmosh rahā paanī

hai aks-e-ā.īna dil meñ kisī bilqīs-e-sānī kā
tasavvur hai mirā ustād bahzād aur maanī kā

ye dil kyuuñ bujh gayā soz-e-firāq-e-sho.ala-rūyāñ meñ
tamāshā hai kiyā hai aag ne yaañ kaam paanī kā