Tags-Dil

pūchhiye us se zabān-o-lafz kī majbūriyāñ
jis ko hāl-e-dil nigāhoñ se bayāñ karnā paḌe

ye ta.alluq bhī rahe yā na rahe
Dil-qalandar kā Thikānā hī nahīñ

manzaroñ se bahalnā zarūrī nahīñ ghar se bāhar nikalnā zarūrī nahīñ
dil ko raushan karo raushnī ne kahā raushnī ke liye ek taaza ġhazal

dil ke muāmale meñ natīje kī fikr kyā
aage hai ishq jurm-o-sazā ke maqām se

phir dil ne pukārā hai usī sho.ala-nafas ko
jo ruuh kī taskīn hai aur zaḳhm kā marham

ye kāvish-e-afkār matā-e-dil-o-jāñ hai
rakhte haiñ agar kuchh to yahī naqd-e-hunar ham

dil kyuuñ na ham faroḳht kareñ is yaqīn par
qīmat bhī ab milegī jo bai.āna mil gayā

ik sham-e-be-nishāñ kā pata DhūñDte hue
ham ne dil-o-nigāh ke sūraj bujhā liye

dekh tū ai nigāh-e-dost kyā tujhe dil diyā nahīñ
kaun hai mujh se āshnā tū agar āshnā nahīñ

dil ko sukūn kar atā jaan ko baḳhsh de qarār
tere karam kī der hai dard ye lā-davā nahīñ

ek hasīn ahd kī yaad dilā ke rah ga.ī
un kī nazar ne dil se aaj aur to kuchh kahā nahīñ

dil meñ hai aks aap kā lab pe hai naam aap kā
aap kā 'muztar'-e-hazīñ aap ko bhūltā nahīñ

ham ne tire baġhair bhī jī kar dikhā diyā
ab ye savāl kyā hai ki phir dil kā kyā huā

rañj rāhat-asar na ho jaa.e
dard kā dil meñ ghar na ho jaa.e

kufr manzūr hai mujhe dil se
vo musalmān agar na ho jaa.e

dard-e-dil ke tabīb hote haiñ
ba.az dushman ajiib hote haiñ

vasvase uljhaneñ tamannā.eñ
dil ke kitne raqīb hote haiñ

jahān-e-saudāgarī meñ dil kā vakīl ban kar
is ahd kī munsifī ko hairat meñ Dālnā hai

lagāvaT kī adā se un kā kahnā paan hāzir hai
qayāmat hai sitam hai dil fidā hai jaan hāzir hai

aarzū ko dil hī dil meñ ghuT ke rahnā aa gayā
aur vo ye samjhe ki mujh ko rañj sahnā aa gayā