Tags-Dil

kaḌā rakhe aadmī jo dil ko to jhel le har kaḌī ko āsāñ
bañdhī huī ho jo apnī himmat to kaam koī muhāl kyā hai

ye kaisī haiñ ThanDī sāñseñ 'kaifī' kahīñ to aayā hai aap kā dil
ye muñh nikal aayā kyuuñ zarā sā batā.iye to ki haal kyā hai

kisī ne jhāñk kar dekhā na dil meñ
ki maiñ andar se kaisā ho rahā huuñ

jo dil par daaġh haiñ pichhlī rutoñ ke
unheñ ab āñsuoñ se dho rahā huuñ

payām dard-e-dil 'aḳhtar' diye jaatā huuñ vaadī ko
salām-e-ruḳhsat-e-ġhamgīñ kiye jaatā huuñ vaadī ko

tirī nazar kyā maiñ apne dil se bhī gir ke jaatā huuñ anjuman se
jahāñ ki hotī hai ḳhatm duurī vahāñ se bhī duur jā rahā huuñ

ye ā.inoñ kī tarah dekh-bhāl chāhte haiñ
ki dil bhī TūTeñ to phir se juḌā nahīñ karte

jahāñ ho pyaar ġhalat-fahmiyāñ bhī hotī haiñ
so baat baat pe yuuñ dil burā nahīñ karte

jo ham pe guzrī hai jānāñ vo tum pe bhī guzre
jo dil bhī chāhe to aisī duā nahīñ karte

hamāre jaisā kahāñ dil kisī kā hogā bhalā
jo dard paale rakhe aur qarār khā jaa.e

pīste ho dil kuuñ jyuuñ barg-e-hinā
haat ḳhuuñ ālūda kyā karte ho tum

ka.abe ko gayā chhoḌ ke kyuuñ dil ko tū ai shaiḳh
Tuk jī meñ samajhtā to sahī yaañ bhī to rab thā

'zeb' ab zad meñ jo aa jaa.e vo dil ho ki nigāh
us kī raftār hai chalte hue jaadū kī tarah

dil kī dīvāna tabī.at ko musībat na banā
tujh se yārāna hai yārāna mohabbat na banā

maiñ tujhe dil kī sunātā huuñ mujhe tū dil kī
is suhūlat ko mirī jaan aziyyat na banā

ye dhaḌaktā huā dil us ke havāle kar duuñ
ek bhī shaḳhs agar shahar meñ zinda mil jaa.e

vo bhī thā mauj meñ ye dil bhī bahakne hī ko thā
apne hāthoñ ne hayā kī to tumhāre liye kī

dil ke is tapte hue tund bayābāñ ke biich
maiñ ne ik nahr banā kī to tumhāre liye kī

mujh se thā barsar-e-kīñ rabt-e-nihāñ tum se thā
dil ne gar tum se vafā kī to tumhāre liye kī

itnā shaffāf nahīñ hai abhī aks-e-dil-o-jāñ
ā.īne gard-e-masāfat meñ mile haiñ tujh se