Tags-Dil

tumhārī raah meñ vo bhī paḌā hai
zarā dekhe hue TuuTā huā dil

koī ab muft bhī ḳhvāhāñ nahīñ hai
'riyāz' aisā gayā guzrā huā dil

sar bhī hai pā-e-yār bhī shauq-e-sivā ko kyā huā
jur.at-e-dil kidhar ga.ī laġhzish-e-pā ko kyā huā

vaqf-e-mazāq-e-justujū dīda-o-dil haiñ ab kahāñ
manzil shauq-e-pā hī kī ġhairat-e-pā ko kyā huā

jazb-o-asar se ban gayā aur bhī dushman āsmāñ
kar diyā rāz-e-dil ayaañ āh-e-rasā ko kyā huā

shā.ir-e-bazm-e-aql-o-hosh haañ koī aur naġhma-sarosh
dil kī sadā hai kyuuñ ḳhamosh dil kī sadā ko kyā huā

gum-shuda-e-jamāl huuñ dil hī ko saath ai 'shakīl'
mujh ko bhī le ke kho gayā rāh-numā ko kyā huā

hue aise ba-dil tire shefta ham dil-o-jāñ ko hamesha nisār kiyā
rah-e-ishq se phir na haTā.e qadam rahe mahv tire tujhe pyaar kiyā

tire shauq meñ dil kī tabāhī huī tire zauq kī us pe gavāhī huī
koī dam bhī na lene diyā mujhe dam mujhe dushman-e-sabr-o-qarār kiyā

jise chāhā dil us pe nisār kareñ kabhī god meñ leñ kabhī pyaar kareñ
ye burā.ī nasīb kī vā.e-sitam vo harīf huā jise pyaar kiyā

dil kahāñ ek siyah-ḳhāna hai ranj-o-ġham kā
is qadar daaġh lage haiñ ki miTā bhī na sakūñ

dil kī gahrā.ī se ai dost zarā kah to sahī
jaan aisī to nahīñ jis ko gañvā bhī na sakūñ

rāh-e-talab meñ ahl-e-dil jab had-e-ām se baḌhe
kashmakash-e-hayāt ke aur bhī hausle baḌhe

koshish-e-paiham āfrīñ manzil ab aa ga.ī qarīb
muzhda ho ārzū-e-dil paañv ke aable baḌhe

ye jo sunā ik din vo havelī yaksar be-āsār girī
ham jab bhī saa.e meñ baiThe dil par ik dīvār girī

dil haiñ yuuñ muztarib makānoñ meñ
machhliyāñ jaise martabānoñ meñ

dil dhaḌaktā hai har sitāre kā
aaj kī raat āsmānoñ meñ

ibtidā ne mohabbat-e-dil kī
ye na thī ham ko intihā ma.alūm

le ke dil vo karegā bedardī
ye na Dhañg us kā qabl thā ma.alūm

suunā suunā dil merā
dariyā se hai aab judā