Tags-Dil

dar-e-dil vā kiyā to vo aa.e
kaun aatā hai yuuñ bulāne se

zarā sā rañg hī bhar do mire dil ke fasāne meñ
bhalā kyā der hogī tum ko mere paas aane meñ

ghuTan ke ba.ad jab dil ko zarā ārām miltā hai
maza aatā hai kitnā gungunāne muskurāne meñ

chhupā luuñ rāz-e-dil kitnā hī ik din khul ke rahtā hai
to phir be-kār hai duniyā se chhupne aur chhupāne meñ

'munavār' ko samajh na paa.e kyoñ jaane jahāñ vaale
milegā kab koī mujh jaisā sāda-dil zamāne meñ

tasavvur dil meñ rahtā hai kisī kī chashm-e-mai-gūñ kā
khīñchī rahtī hai āñkhoñ meñ mire tasvīr-e-mai-ḳhāna

juz dil surāġh-e-dard ba-dil-ḳhuftagāñ na pūchh
ā.īna arz kar ḳhat-o-ḳhāl-e-bayāñ na pūchh

har dāġh-e-tāza yak-dil-e-dāġh intizār hai
arz-e-fazā-e-sīna-e-dard imtihāñ na pūchh

tū mashq-e-bāz kar dil-e-parvāna hai bahār
betābī-e-tajallī-e-ātish-ba-jāñ na pūchh

dil mujh se us ke milne ko kahtā hai to us ke paas mujhe
jab le pahuñchā thā bhes badal phir ab ke le chal aur tarah

dil ke chaak maiñ apne ek bhī na sil paa.ī
haiñ tumhāre chārāgar tum lahū lahū kyuuñ ho

tum ne jitne bhī badle the apne aap se aur phir apne jaisoñ se
ik ik kar ke puure dil se chukā bhī liye haiñ

laakh majbūr huuñ maiñ zauq-e-ḳhud-ārā.ī se
dil hai bezār ab is ishrat-e-tanhā.ī se

udāsiyoñ meñ bhī raste nikāl letā hai
ajiib dil hai girūñ to sambhāl letā hai

bahut da.avā thā us ko dil kī baazī jiit jaane kā
to phir is khel meñ mujh ko harāne kyuuñ nahīñ aayā

ajiib ālam-e-begāñgī meñ aa nikle
garāñ guzartī hai dil par tirī tamannā bhī

jab vasl thā un rozoñ yak dil hī pe aafat thī
ab jaan kā hai saudā haihāt judā.ī meñ

tū hī adam kā thā parda-nashīñ mire dil ke makāñ kā hai tū hī makīñ
mirī hastī hai sab ye zuhūr tirā tū aur nahīñ maiñ aur nahīñ

huuñ sīna-e-ushshāq meñ soz-e-jigar-o-dil
aur dīda-e-māshūqāñ meñ kyā nāz-o-adā huuñ

ā.īna saaf ho to dekh use
naqsha-e-dil-figār meñ vo hai