Tags-Dil

yārab ho burā vahshat dil kā ki nahīñ chain
jab ḳhaak huā mar ke to ab reg-e-ravāñ huuñ

pighal hī jā.egā vo sañg-dil kisī din jab
mire zabān kī tāsīr guftugū karegī

kis nahaj se ham ne ik kahānī kah dī
do bātoñ meñ baat dil kī saarī kah dī

tabī.at in dinoñ auhām kī un manziloñ par hai
dil-e-kam-hausla kāġhaz kī giilī kashtiyoñ par hai

dard-e-dil un ke kaan tak pahuñchā
baat ban kar zabān se niklā

vo bhī armān kyā jo ai 'muztar'
dil meñ rah kar zabān se niklā

kitne anjān jazīroñ meñ mujhe le ke chalā
dil ki an-dekhe zamānoñ meñ mujhe le ke chalā

dil ko be-rañg sī mahfil hī faqat bhātī thī
vahī vīrān se chehroñ meñ mujhe le ke chalā

kyuuñ ham ne mohabbat kī un se diqqat meñ phañse zahmat meñ phañse
āġhāz hī meñ dil meñ kahtā thā achchhā us kā anjām nahīñ

ek hai tū bhī bad-balā ai chashm
dil ko phir zulf meñ phañsā maarā

dil hai zinda na jī hī jiitā hai
zindagī bad-tar-az-mamāt hai ab

ra.uuf 'ḳhair' pahuñchtā vahīñ hai hir-phir kar
ki iḳhtiyār dil-e-zār par nahīñ chaltā

lage un āñkhoñ se har-vaqt ai dil-e-sad-chāk
tirā na rutba huā kyuuñ shigāf-e-dar kā sā

dil aise shoḳh ko 'momin' ne de diyā ki vo hai
muhib husain kā aur dil rakhe shimar kā sā

kam kam bahnā dil dariyā ke dhāre par
ye jo ġham ke dhāre haiñ sab ḳhūnīñ haiñ

dil se vahshī ko shādmān kiyā
dīda-e-tar ko dīd-bān kiyā

tum guzarte ho ajnabī ban kar
ham to dil par chaTān rakhte haiñ

kitne shātir haiñ vo mire ham-dam
dil meñ tīr-o-kamān rakhte haiñ

aaj 'ābrū' dil kuuñ hamāre shauq ne us ke magan kiyā hai
jaag anāḌī dekh tamāshā ishq lagā tab sonā kyā

kis sitamgar kā gunāhgār huuñ allāh allāh
kis ke tīroñ se dil-afgār huuñ allāh allāh