Tags-Dil

yahāñ se aur vahāñ tak nā-umīdī
hamāre dil kā unvāñ ho rahī hai

be-tābiyāñ sameT ke pūchhā kare hai dil
qismat meñ apnī sub.h kā taarā to hai abhī

tū mujhe chāhe magar maiñ tujhe chāhūñ kaise
baat jab hai mirā dil bhī tirā paikar khīñche

hañso to saath hañsnegī duniyā baiTh akele ronā hogā
chupke chupke bahā kar aañsū dil ke dukh ko dhonā hogā

jo bhī dil ne bhuul meñ chāhā bhuul meñ jaanā ho ke rahegā
soch soch kar huā na kuchh bhī aao ab to khonā hogā

'mīrā-jī' kyuuñ soch satā.e palak palak Dorī lahrā.e
qismat jo bhī rañg dikhā.e apne dil meñ samonā hogā

raat kā jhuknā tirī pusht pe dildārī ko
baaġh ke peḌoñ kā aa jaanā rajaz-ḳhvānī meñ

marmarīñ uñgliyāñ ik dil pe likheñ hāl-e-hinā
phuul āvāz kā khil jaa.e pashemānī meñ

yuuñ hī ḳhush karte haiñ dil apnā umīd-e-vasl meñ
khīñchte haiñ ek jā apnī tirī tasvīr ham

kabhī kabhī to ye vahshat bhī ham pe guzrī hai
ki dil ke saath hī dekhā hai Dūbnā shab kā

ḳhandāñ-jabīñ laboñ pe hañsī pur-ḳhulūs dil
daur-e-tarab meñ koī to aisā dikhā.ī de

apnā to ye kaam hai bhaa.ī dil kā ḳhuun bahāte rahnā
jaag jaag kar in rātoñ meñ sher kī aag jalāte rahnā

dil ne majbūr kar diyā hogā
jis se milnā na thā usī se mile

dilbarī par hai jāñ-fazā be-dād
dil-dahī par hai jāñ-nisār balā

dil ko ham chhoḌ ke duniyā kī taraf aa.e the
ye shabistāñ bhī isī ġhāliya-mū kā niklā

ham abas sozan-o-rishta liye galiyoñ meñ phire
kisī dil meñ na koī kaam rafū kā niklā

vo teġh na jaane kidhar uThtī hai abhī to
jhagḌā hai dil-e-sīna-sipar aur hamārā

dil aisā makāñ chhoḌ ke ye haal huā hai
yaanī nigah-e-ḳhāna-badar aur hamārā

na chheḌ ai mutrib-e-ḳhush-zauq naġhma ishq-o-ulfat kā
ki jis se ik shikasta dil ke zaḳhmoñ ko jilā pahuñche

ye dil meñ vasvasa kyā pal rahā hai
tirā milnā bhī mujh ko khal rahā hai