Tags-Dil

zau-fishāñ hone lagā jab dil meñ husn-e-ḳhud-numā
phir to kaaba 'ārzū' kaaba na thā but-ḳhāna thā

tamām husn-e-jahāñ kā javāb ho ke rahā
jo dard dil se uThā āftāb ho ke rahā

vo bārgāh-e-junūñ hai nasīb-e-ishq-e-vafā
ye dil ye shauq nazar-bāryāb ho ke rahā

ajiib chiiz hai ye shauq-e-ārzū-mandī
hayāt miT ke rahī dil ḳharāb ho ke rahā

gāgar ke sāgar meñ aksar Duubā hai ġhurūr pahāḌoñ kā
tum apne dil par rahm karo panghaT pe akele jaao nahīñ

hamdardī kaun jatā.egā duniyā ko to hañsnā aatā hai
is TuuTe hue dil kā qissa duniyā vāloñ ko sunāo nahīñ

maiñ kyuuñ karūñ kisī ko makīn-e-makān-e-dil
maiñ kyuuñ kahūñ kisī se ki tū ghar mirā bigāḌ

aaj phir gardish-e-taqdīr pe ronā aayā
dil kī bigḌī huī tasvīr pe ronā aayā

pahle qāsid kī nazar dekh ke dil sahm gayā
phir tirī surḳhi-e-tahrīr pe ronā aayā

dil gañvā kar bhī mohabbat ke maze mil na sake
apnī khoī huī taqdīr pe ronā aayā

nahīñ butoñ ke tasavvur se koī dil ḳhālī
ḳhudā ne un ko diye haiñ makān sīnoñ meñ

tujhe bhulā deñge apne dil se ye faisla to kiyā hai lekin
na dil ko mālūm hai na ham ko jiyeñge kaise tujhe bhulā ke

kisī ke muntazir rahnā na darvāza khulā rakhnā
hameñ aayā nahīñ dil ko mohabbat meñ lagā rakhnā

is dil ko kyā kaheñ ki jidhar thā udhar na thā
thā jis pe e.atibār vahī mo'atabar na thā

apnī hī kuchh kamī thī jo nākām ham hue
dil kār-band-e-shauq to thā kār-gar na thā

vo aur itnā pareshāñ-ḳhātir rabt-e-ġhair kī baat nahīñ
lekin us ke chup rahne se dil ko vahm zarūr rahā

ai mere ḳhurshīd-e-shabī kyā vahm-e-tulū-o-ġhurūb tujhe
ek tirī gardish aisī thī ḳhāna-e-dil be-nūr rahā

sub.h se chalte chalte āḳhir shaam huī āvāra-e-dil
ab maiñ kis manzil meñ pahuñchā ab ghar kitnī duur rahā

kaun thā us ke havā-ḳhvāhoñ meñ jo shāmil na thā
ab huā mālūm mujh ko dil bhī merā dil na thā

abhī zaḳhm-e-nau kā shumār kyā abhī rut hai dil ke siñghār kī
abhī aur phūTeñgī koñpleñ abhī aur khilne gulāb haiñ