Tags-Dil

hañgāma-e-hayāt se jāñ-bar na ho sakā
ye dil ajiib dil hai ki patthar na ho sakā

jo aatā hai nazar meñ us ko le aate haiñ dil meñ
na.ī tarkīb se ham ḳhud ko tanhā kar rahe haiñ

zavāl-e-āmādgī ab gūñjtī hai dhaḌkanoñ meñ
so dil se ḳhvāhishoñ kā bojh halkā kar rahe haiñ

suḳhan tum se ho yā ahbāb se yā apne dil se
yahī lagtā hai ham har baat bejā kar rahe haiñ

haiñ āñkheñ aa.ina dil kā yaqīnan
huā dūbhar khule ghar kā tahaffuz

tumhārī baat se vo sañg-dil pighaltā kyā
tumhārā dil bhī to mahrūm-e-dard ab tak hai

havā ne kaun se ḳhvāboñ se dil lagāyā thā
hamārī tarah jo āvāra-gard ab tak hai

mujh ko paas biThā ke maañ kī ḳhāmoshī
saare dil ke raaz batāne lagtī hai

husn o ishq donoñ the be-karāñ o be-pāyāñ
dil vahāñ bhī kuchh lamhe jaane kab guzār aayā

yuuñ to saikḌoñ ġham the par ġham-e-jahāñ 'jazbī'
ba.ad ek muddat ke dil ko sāzgār aayā

kamre vīrāñ āñgan ḳhālī phir ye kaisī āvāzeñ
shāyad mere dil kī dhaḌkan chunī hai in dīvāroñ meñ

dil kī be-tābī kā aalam kyā kahūñ
har nafas talvār hai tere baġhair

maiñ hī tanhā nahīñ dil ke hāthoñ
tū bhī majbūr nazar aatā hai

ai jazba-e-dil gar maiñ chāhūñ har chiiz muqābil aa jaa.e
manzil ke liye do gaam chalūñ aur sāmne manzil aa jaa.e

ai dil kī lagī chal yūñhī sahī chaltā to huuñ un kī mahfil meñ
us vaqt mujhe chauñkā denā jab rañg pe mahfil aa jaa.e

is jazba-e-dil ke baare meñ ik mashvara tum se letā huuñ
us vaqt mujhe kyā lāzim hai jab tujh pe mirā dil aa jaa.e

dil meñ ab us ke jo lahr aa.ī hai ghar jaane kī
tū bhī rone kī jhaḌī dīda-e-ḳhūñ-bār lagā

Thikāna mil gayā hai us ko āḳhir
vo mere dil meñ aa kar bas gayā hai

thī to sahī par aaj se pahle aisī haqīr faqīr na thī
dil kī sharāfat zehn kī jaudat itnī baḌī taqsīr na thī

sach kahte ho ham aise kahāñ aur soz-o-gudāz-e-ishq kahāñ
sach hai mire ā.īna-e-dil meñ koī kabhī tasvīr na thī