Tags-Dil

havā kī tarah musāfir the dilbaroñ ke dil
unheñ bas ek hī ghar kā azaab kyā dete

sharāb dil kī talab thī shara ke pahre meñ
ham itnī tañgī meñ us ko sharāb kyā dete

dil-e-dīvāna arz-e-hāl par maa.il to kyā hogā
magar vo pūchh baiThe ḳhud hī hāl-e-dil to kyā hogā

DhūñDte ho dil-e-figār meñ kyā
ho bhī saktā hai is mazār meñ kyā

duā hai apnī yahī shab-e-ġham na ho kabhī iztirāb-e-dil kam
ye zindagī zindagī kahāñ phir jo dil ko apne qarār aayā

gila sitam kā jafā kā shikva zabāñ pe aayā tumhīñ kaho kab
ye kyuuñ hai phir ham se sargirānī ye dil meñ kaise ġhubār aayā

dil kitnā ābād huā jab diid ke ghar barbād hue
vo bichhḌā aur dhyān meñ us ke sau mausam ījād hue

merā kyā ik mauj-e-havā huuñ par yuuñ hai ai ġhuncha-dahan
tū ne dil kā baaġh jo chhoḌā ġhunche be-ustād hue

ham ne dil ko maar rakhā hai aur jatāte phirte haiñ
ham dil zaḳhmī mizhgāñ ḳhūnīñ ham na hue jallād hue

samtoñ meñ bikhrī vo ḳhalvat vo dil kī rañg-e-ābādī
ya.anī vo jo bām-o-dar the yaksar gard-o-bād hue

dil ke hāthoñ se hameñ zaḳhm-e-nihāñ pahuñche haiñ
vo bhī kahte haiñ ki zaḳhmoñ ko chhupā.e rakhiye

mirī shā.erī dil-figāroñ kī duniyā
ye fariyād-e-ḳhāmosh nīchī nigāheñ

be-shak is jiine se mar jaane meñ āsānī to hai
lekin ai dil marzī-e-qātil kī qurbānī to hai

ek zarf-e-dil hai us meñ do kī gunjā.ish kahāñ
duur ai jam.īyat-e-ḳhātir pareshānī to hai

un ko kyā TuuTe kisī kā dil ki rusvā ho koī
ḳhush raheñ yūsuf ki sābit pāk-dāmānī to hai

ahl-e-dil se ye jahāñ ḳhālī bhī rahtā hai kahīñ
'urfī'-o-'ġhālib' nahīñ 'fānī' nahīñ 'mānī' to hai

jo dil meñ baat hai alfāz meñ nahīñ aatī
so ek baat hai dil kī lagī kahūñ na kahūñ

ḳhafā hai rañg-e-gul-o-mauja-e-sabā mujh se
ki bāñdhtā huuñ dil-e-be-qarār kā mazmūñ