Tags-Dil

har-qadam rāh-e-talab meñ 'nāsir'
jaras-e-dil kī sadā ġhaur se sun

agarche un kī tasallī meñ hai yaqīñ shāmil
dil-e-hazīñ hai magar iztirāb kī zad meñ

vo dasht jis meñ ki dahshat hai be-karāñ 'sā.ib'
vo dasht hai dil-e-vahshat-ma.āb kī zad meñ

naale kiye tasavvur-e-gesū meñ raat bhar
dil ham-safīr-e-murġh-e-shab-āhañg ho gayā

muñh tak bhī zo.af se nahīñ aa saktī dil kī baat
darvāza ghar se saikḌoñ farsañg ho gayā

haram ko shaiḳh mat jā hai but-e-dil-ḳhvāh sūrat meñ
agar hai mard-e-ma.anī dekh le allāh sūrat meñ

kar apne dil ko saiqal ai sikandar tā ho ye raushan
safā se aa.ine ke kab ḳhalal hai aah sūrat meñ

phir vahī lambī do-pahreñ-surma.ī haiñ phir vahī dil kī hālat hai
bāhar kitnā sannāTā hai andar kitnī vahshat hai

phuul babūl ke achchhe haiñ lekin sākit tasvīroñ meñ
sach much ke sehrāoñ kī to is dil jaisī sūrat hai

kitne saada haiñ ham ki baiThe haiñ
dāġh-e-dil āñsuoñ se dhone ko

haiñ kashmakash meñ aaj tirī dāstāñ se ham
ai dil shurūa kareñ ye hikāyat kahāñ se ham

nāzāñ hai koī apne taġhāful pe marhabā
majbūr ho rahe dil-e-nāz-dāñ se ham

ek muusā the ki un kā zikr har mahfil meñ hai
aur ik maiñ huuñ ki ab tak mere dil kī dil meñ hai

harf-tā-harf uftād kī shā.irī
dil kī ik shahr-e-barbād kī shā.irī

kab samundar kināroñ kā muhtāj hai
kab dil mauj-e-āzād kī shā.irī

ishq to mushkil hai ai dil kaun kahtā sahl hai
lek nādānī se apnī tū ne samjhā sahl hai

gar khule dil kī girah tujh se to ham jāneñ tujhe
ai sabā ġhunche kā uqda khol denā sahl hai

hamdamo dil ke lagāne meñ kaho lagtā hai kyā
par chhuḌānā is kā mushkil hai lagānā sahl hai

garche mushkil hai bahut merā ilāj-e-dard-e-dil
par jo tū chāhe to ai rashk-e-masīhā sahl hai

zāhid use burā na kah maanā ki rañg surḳh hai
āñkhoñ se mai chhalak ga.ī dil ko surūr aa gayā