Tags-Birthday

ye be-ḳhudī ye laboñ kī hañsī mubārak ho
tumheñ ye sālgirah kī ḳhushī mubārak ho

'prem' is yug kī sāl-girah par aur bhalā kyā tohfa dete
chāñd kī dilkash dhartī se bhī ham ne DhūñDh nikāle patthar

yahī vo din the jab ik dūsre ko paayā thā
hamārī sāl-girah Thiik ab ke maah meñ hai

sālgirah par kitnī nek tamannā.eñ mausūl huiiñ
lekin in meñ ek mubārakbād abhī tak baaqī hai

hasīn chehre kī tābindagī mubārak ho
tujhe ye sāl-girah kī ḳhushī mubārak ho

ye to ik rasm-e-jahāñ hai jo adā hotī hai
varna sūraj kī kahāñ sālgirah hotī hai

us ke nīche
sālgirah kā cake sajā thā

shā.er kā jashn-e-sālgirah hai sharāb lā
mansab ḳhitāb rutba unheñ kyā nahīñ milā

dard kī sāl-girah ḳhair se guzre 'gauhar'
aa ga.ī raat vahī chāñd-gahan hone kī

apnī pichhlī sāl-girah par maiñ ye soch rahā thā
kitne diye jalā.ūñ maiñ?

muñh-zor zamānoñ kī zarā khīñch le bāgeñ
mere kisī bichhḌe hue kī sāl-girah hai

sālgirah ḳhargosh manā.e
jañgal ke sab sāthī aa.e