English
Favourite
Favourite
UrduShayarUrduShayar
Expand menu
Sign inAccount

Tags-Wajood

Dubo ke aa gayā maiñ apnī har sadā lekin
mire vajūd meñ ye kis kī chīḳh zinda hai
Ghazal
 kanar-e-barg-e-tabassum larazta qatra hai
hayāt-o-maut na apnī na maiñ hī ḳhud apnā
mire vajūd pe ilzām-e-zindagī kyuuñ hai
Ghazal
 jabin-e-nawaz kisi ki fusun-gari kyun hai
mujh ko ghere hue hai merā vajūd
ye haqīqat khulī hai kamre meñ
Ghazal
 raushni kya paDi hai kamre mein
ik majma-e-bahār-o-ḳhizāñ hai mirā vajūd
phirtā huuñ saath gardish-e-daurāñ liye hue
Ghazal
 bazm-e-nashat-o-aish ka saman liye hue
phir ḳhaak uḌ rahī hai makān-e-vajūd meñ
ai jān-e-be-qarār vo dil-jū kahāñ gayā
Ghazal
 sun! hijr aur visal ka jadu kahan gaya
mujhe kisī kā to honā thā haar jiit ke ba.ad
mirā vajūd vahāñ daav par lagā huā thā
Ghazal
 ye aur baat shajar sar-nigun paDa hua tha
kachchī dīvār se girtī huī miTTī kī tarah
kaañp kaañp uThtā hai barbād-e-mohabbat kā vajūd
Nazm
 nuqush
apne taaza vajūd meñ gum huuñ
tujhe nasloñ se khojtā huā maiñ
Ghazal
 shab ki zulfen sanwarta hua main
aziyyateñ hī mohabbat kī ruuh hotī haiñ
mire vajūd meñ itnī sī aas rahne do
Ghazal
 hare shajar na sahi KHushk ghas rahne do
mire vajūd meñ ik be-zabāñ samundar hai
utar ke dekh safīne se merī ḳhātir tū
Ghazal
 sukut-e-sham se ghabra na jae aaKHir tu
maiñ rāhgīroñ kī himmat bañdhāne vaalā huuñ
mire vajūd meñ shāmil sharāb rahne de
Ghazal
 meri hayat ko be-rabt bab rahne de
na dekh mujh ko mohabbat kī aañkh se ai dost
mirā vajūd mirā mudda.ā na ho jaa.e
Ghazal
 main sochta hun kahin tu KHafa na ho jae
teshe kī zarb sah nahīñ saktā har ik vajūd
aazar har ek paikar-e-sañg-e-anā na toḌ
Ghazal
 salim yaqin-e-azmat-e-sehr-e-KHuda na toD
munhasir chaar anāsir pe hai insāñ kā vajūd
naqsh miTTī kā banā aag havā paanī par
Ghazal
 humne ashkon se tera nam likha pani par
gum ho gayā thā maiñ kahīñ dasht-e-vajūd meñ
maiñ apne ism-e-zāt kī tasḳhīr se milā
Ghazal
 KHud mujhko mere dast-e-kaman-gir se mila
qaa.em kiyā hai maiñ ne adam ke vajūd ko
duniyā samajh rahī hai fanā ho gayā huuñ maiñ
Ghazal
 ai dost miT gaya hun fana ho gaya hun main
hai ḳhatm hausla-mandī vajūd-e-ādam par
satīza-e-kār hai fat.h-e-ġham-e-jahāñ ke liye
Ghazal
 uDa liye hain kuchh arbab-e-gulistan ne to kya
ik dhamāke se na phaT jaa.e kahīñ merā vajūd
apnā laavā aap bāhar pheñktā rahtā huuñ maiñ
Sher
 ek dhamake se na phaT jae kahin mera wajud
simaT sakūñgā na apne vajūd meñ 'sājid'
pahan liyā hai kisī ne mujhe qabā kī tarah
Ghazal
 jahan mein Dalte rahte hain ma-siwa ki tarah
na vo aarzū na vo justujū na vo rañg-e-jāma-e-be-rafū
bhalā is vajūd kā vazn kyā jo madār-e-shauq se haT gayā
Ghazal
 main jo apne haal se kaT gaya to kai zamanon mein baT gaya
Top Urdushayar.com