Tags-Wajood

tum dard kī lazzat kyā jaano kab tum ne chakhe haiñ zahr-e-subū
ham apne vajūd ke shāhid haiñ sañgsār hue shamshīr hue

nisbat mujhe kahāñ rahī asr-e-zavāl se
merā vajūd saltanat-e-rūm kab huā

koī vajūd hī nahīñ lafz-e-sukūn kā
apnī baqā meñ chup hai na apnī fanā meñ chup

talāsh kar ke mujhe lūTne ko thā koī
mire vajūd kī ḳhushbū pukār uThī ki maiñ huuñ

gurez kaise karegā mere vajūd se tū
ki terā sūraj mire sitāre meñ jāgtā hai

ḳhūn-e-ma.asūm se ta.amīr hai bustān-e-vajūd
ishrat-e-dahr se mahrūm vafādār sahī

sairāb mohabbatoñ ke dhāre
bāham the vajūd ke kināre

mirā vajūd bhī shāmil thā us kī miTTī meñ
mirā bhī khet kī fasloñ meñ koī hissa thā

vajūd jis ko kisī mo'tabar shajar ne diyā
havā kī zad meñ bhī tinkā vo be-sahārā nahīñ

jis meñ bah jaa.e safīne kī tarah merā vajūd
merī āñkhoñ se ravāñ ġham kā vo dariyā bhī nahīñ

miT na jaa.e kahīñ vajūd tirā
ḳhud ko fursat meñ chhū ke dekhā kar

na dekh mujh ko mohabbat kī aañkh se ai dost
mirā vajūd mirā mudda.ā na ho jaa.e

zamīn degā magar āsmān māñgegā
mire vajūd se vo sā.ebān māñgegā

adam kā zinda namūna huuñ maiñ yahāñ 'nātiq'
vajūd maañg ke laayā hai musta.ār mujhe

mire vajūd ke ḳhurshīd kī shuāoñ ko
sulā diyā hai añdheroñ meñ jalne vāloñ ne

itnā nam-dīda thā libās-e-vajūd
dhuup kam paḌ ga.ī sukhāne meñ

sarf-e-nairañgī-e-nazzāra hai ḳhud apnā vajūd
ain vahdat hai koī nāzir-o-manzūr nahīñ

ḳhud apne hī vajūd se vahshat-zada haiñ log
ābādiyoñ meñ aa ga.e vīrāne kis tarah

kis tasavvur ke raqs meñ go
tirī sadā kā vajūd mujh ko milā nahīñ hai

ramz-e-hayāt ālam-e-fānī meñ kho gayā
merā vajūd naql-e-makānī meñ kho gayā