Tags-Wahshat

vahshat-e-dil ne kahīñ kā bhī na rakkhā mujh ko
dekhnā hai abhī kyā kahtī hai duniyā mujh ko

ḳhāk-e-vīrāñ thā faqat hū ki sadā gūñjtī thī
merī vahshat ne bayābāñ ko bayābān kiyā

yuuñ maiñ sīdhā gayā vahshat meñ bayābāñ kī taraf
haath jis tarah se aatā hai garebāñ kī taraf

shāḳh-tā-shāḳh ajab ālam-e-vahshat hai abhī
tā.ir-e-jāñ kabhī Thahrā thā mire ghar aa kar

pas-e-dīvār hujjat kis liye hai
darīche se ye vahshat kis liye hai

koī bhī chiiz yahāñ vaqt-e-zarūrat na milī
kabhī sahrā jo milā bhī kahīñ vahshat na milī

kaash vo chashm-e-gurezāñ bhī kabhī jaan sake
ham ko kis ḳhvāb kī vahshat ne jagāyā huā hai

dasht-e-vahshat ko faqat qais hī bhāyā huā hai
ham ne bhī ishq kā āzār uThāyā huā hai

dasht-e-vahshat-ḳhez meñ uryāñ hai 'āġhā' aap hī
qāsid-e-jānāñ ko kyā detā jo ḳhil.at māñgtā

der-pā niklī na fānūs-e-ḳhirad kī raushnī
baḌh ga.ī vahshat bil-āḳhir ho ga.e dīvāna ham

vahshat-e-ḳhvāb-e-gurezāñ dekho
lazzat-e-dīd kā unvāñ dekho

bas ek vahshat-e-manzil hai aur kuchh bhī nahīñ
ki chand sīḌhiyāñ chaḌhte utarte rahte haiñ

bagūlā gar na hotā vādi-e-vahshat meñ ai majnūñ
to gumbad ham se sar-gashtoñ kī turbat par kahāñ hotā

ragaḌvā.īñ ye mujh se eḌiyāñ ġhurbat meñ vahshat ne
huā masdūd rasta jāda-e-rāh-e-vatan bigḌā

dasht-e-vahshat kī numā.ish kā havāla de kar
shahr-e-dildār ke tevar kī javānī dekhī

bayābānoñ se jo ghabrā ke lauTe
unheñ bastī meñ vahshat mil na jaa.e

sāmne aate hī us ke merī vahshat jaag uThī
dhyān rahtā thā mujhe yuuñ to bahut ādāb kā

āḳhir-e-shab kī ḳhamoshī se yahī mujh pe khulā
hijr meñ sāmnā vahshat se kiyā jaatā hai

ik roz ye sar-rishta-e-idrāk jalā duuñ
ai ishq tirī vahshat-e-saffāk jalā duuñ

ham se darvesh duniyā vāloñ se, bas isī baat par ulajhte haiñ
vahshat-e-jism-o-jāñ baḌī shai hai ḳhud ko āsūda-hāl mat karnā