Tags-Wahshat

apne din-rāt se mumkin hai kahāñ koī farār
dasht-e-vahshat meñ utar aur sajā le shab-o-roz

dil tire hijr meñ sarshār huā phirtā hai
ab kisī dasht meñ vahshat nahīñ kar saktā maiñ

ḳhvāhish thī justujū bhī thī dīvāngī na thī
sahrā-navard ban ke bhī vahshat nahīñ milī

dasht-e-vahshat se bhalā kartā hai āñkheñ chaar kaun
shahr baḌhte jā rahe haiñ apnī uryānī ke saath

shahr-e-vafā se dasht-e-junūñ tak chāhe jitne marāhil huuñ
vahshat ke to dūsre ruḳh par ek darīcha kaafī hai

mujh ko na le chal bād-e-bahārī rañg-e-chaman hai vahshat-ḳhez
jeb se le kar dāman tak sau TukḌe kartā phūloñ kā

kis kī vahshat ne ḳhaak uḌaa.ī hai
dasht meñ haiñ jo pur-ġhubār daraḳht

vahshat meñ sū-e-dasht jo ye aah le ga.ī
kyā kyā kuñ.eñ jhukāne tirī chaah le ga.ī

dil kī shaam kī sūrat zaḳhm zaḳhm sannāTā
jaañ ki shor-e-vahshat meñ sub.h kī tamannā.ī

aage hamāre ahd se vahshat ko jā na thī
dīvāngī kaso kī bhī zanjīr-e-pā na thī

kahānī se ajab vahshat huī hai
mirā kirdār jab puḳhta huā hai

dekh kar vahshat nigāhoñ kī zabāñ bechain hai
phir sulagne ko koī ik dāstāñ bechain hai

ab vus.at-e-ālam bhī kam hai mirī vahshat ko
kyā mujh ko Darā.egī is dasht kī pahnā.ī

maz.har tire jalvoñ ke māman mirī vahshat ke
kohsār-o-gulistāñ bhī sahrā-o-bayābāñ bhī

na auroñ kī suntā na kahtā huuñ apnī
sar-e-ḳhasta dushvār-e-vahshat salāmat

ban ga.e sahrā meñ ghar lekin gharoñ meñ aaj tak
rau vahī vahshat kī hai mausam vahī sahrā kā hai

har-sū hai ek ālam-e-vahshat shab-e-firāq
ghabrā rahe haiñ silsila-e-tīrgī se ham

musāfir ho ke aa.e haiñ jahāñ meñ tis pe vahshat hai
qayāmat thī agar ham is ḳharāba meñ vatan karte

hai vo vahshat ki havā bhī nahīñ chaltī 'at.har'
ban gayā kitnā bhayānak ye vafā kā āñgan

duur ho vādī-e-majnūñ se nikal ai vahshat
kis vasīle se milī tujh ko jahāñ kī tamlīk