Tags-Andhera

nazar dhundlā rahī hai yā manāzir bujh rahe haiñ
añdherā baḌh gayā yā raushnī kam ho ga.ī hai

aaj kī raat bhī tanhā hī kaTī
aaj ke din bhī añdherā hogā

ek dhokā hai ye shab-rañg saverā kyā hai
ye ujālā hai ujālā to añdherā kyā hai

kuchh na pūchho zāhidoñ ke bātin o zāhir kā haal
hai añdherā ghar meñ aur bāhar dhuāñ battī charāġh

jism ke paar vo diyā sā hai
darmiyāñ ḳhaak kā añdherā hai

ye aur baat ki dil meñ ghanā añdherā hai
magar zabān se to chāñdnī luTāyā kar

jagmagātā hai āsmān 'munīr'
aur añdherā galī pe taarī hai

shahr hī aisā añdherā hai ki ik din bhuul kar
tāqche meñ phir charāġh-e-avvalīñ rakkhūñgā maiñ

vaise to zindagī hai ujāloñ kā shahr bhī
dekho to maqbaroñ kā añdherā dikhā.ī de

raftār se tābinda umīdoñ ke jharoke
Thahrūñ to har ik samt añdherā nazar aa.e

apne māhaul meñ kyuuñ añdherā kareñ
der tak dekh kar raushnī kī taraf

hone do añdherā aaj kī shab gul kar do charāġhoñ ke chehre
ham aaj ḳhud apnī mahfil meñ dil apnā hī jaltā dekheñge

charāġh-e-husn-e-yūsuf jab ho raushan
rahe phir kis tarah zindāñ añdherā

ik musalsal gard meñ Duube hue sab bām-o-dar
jis taraf dekho añdherā jis taraf dekho khañDar

kahīñ āñkheñ kahīñ baazū kahīñ se sar nikal aa.e
añdherā phailte hī har taraf se Dar nikal aa.e

varna ghar meñ hai ghup añdherā
yādoñ ke charāġh jal rahe haiñ

ai nigāh-e-dost ye kyā ho gayā kyā kar diyā
pahle pahle raushnī dī phir añdherā kar diyā

ruḳhsat abhī zulmatoñ kā Derā kar duuñ
nāpaid jahāñ se añdherā kar duuñ

añdherā shahr kī galiyoñ kā ghar meñ dar aatā
zarā jo raat ko darvāza kholte ham bhī

haqīqatoñ meñ zamāna bahut guzār chuke
koī kahānī sunāo baḌā añdherā hai