Tags-Sach

sunā hai teġh ko qātil ne āb-dār kiyā
agar ye sach hai to be-shubah ham pe vaar kiyā

sach batā ai āshiq-e-derīna-e-fikr-e-ma.āsh
zahr meñ tiryāk ke unsur kī bhī kī hai talāsh

sach batā tū bhī hai kyā ai kushta-e-sad-hirs-o-āz
rāz-dān-e-kākul-e-shab-rañg o chashm-e-nīm-bāz

tū dilā detī hai us ko apnī ulfat kā yaqīñ
sach to ye hai tere kaaTe kā koī mantar nahīñ

ḳhidmat-e-aġhyār se fursat koī paatā nahīñ
sach hai apnoñ par ġhulāmoñ ko taras aatā nahīñ

kahte ho sab dekhte haiñ terī āñkhoñ se mujhe
sach kaho aġhyār kī bekār āñkheñ ho ga.iiñ

ab vo āñkheñ nahīñ haiñ pahlī sī
sach kaho tum ko ho gayā kyā hai

sach hai haq nā-haq nahīñ miltā kisī ko martaba
daar par mansūr ko auj-e-masīhā.ī nahīñ

ya.anī tum vo ho vāqa.ī? had hai
maiñ to sach-much sabhī ko bhuul gayā

rah ga.ī ummīd to barbād ho jā.ūñgā maiñ
jā.iye to phir mujhe sach-much bhulāte jā.iye

in hasīnoñ kī jo tārīf karo chiḌhte haiñ
sach to ye hai ki burā hai unheñ achchhā kahnā

kar liyā ahd kabhī kuchh na kaheñge muñh se
ab agar sach bhī kaheñ tum hameñ jhūTā kahnā

sach to kah duuñ magar is daur ke insānoñ ko
baat jo dil se nikaltī hai burī lagtī hai

rone se mire us ko araq aa gayā yaaro
sach hai ki burī hotī hai barsāt kī garmī

jo sach pūchho hasīnoñ kā hayā ne rakh liyā parda
nikal chalte gharoñ se ye to hotī dil-lagī achchhī

maiñ sach kahūñgī magar phir bhī haar jā.ūñgī
vo jhuuT bolegā aur lā-javāb kar degā

sach hī sahī aap kā paimāñ vale
marg ne kab vāda-e-fardā kiyā

vasl us kā mayassar nahīñ sach kahtā hai 'āsif'
kyuuñ apne ta.iiñ rakhtā hai masrūf tū ġham kā

jis ne 'āmir' matā-e-ḳhudī bech dī sach ye hai ismat-e-zindagī bech dī
sar jhukāne se behtar hai sar dījiye bhiik lene se behtar hai mar jā.iye