Tags-Raushni

bāġh-e-ālam meñ gar koī bijlī girī
raushnī ho ga.ī āshiyāñ āshiyāñ

añdhere jis ko muqaddar ne de diye haiñ 'mukesh'
vo sochtā hai mirī raushnī bhī chhīnegā

jale magar jo na raushan hue zamāne meñ
vahī charāġh samajhte haiñ raushnī kyā hai

raushnī ke jashn meñ haa.el na the shab ke rafīq
chāñd taare aur shabnam dekhiye kab tak rahe

ḳhulūs-o-fikr kī ye raushnī kahāñ tak ho
maiñ sochtā huuñ tirī chāñdnī kahāñ tak ho

mahfil meñ sher hī nahīñ kuchh raushnī ba-dosh
anvār ham ne dil kī fazāoñ meñ rakh diye

gale meñ us ke ḳhudā kī ajiib barkat hai
vo boltā hai to ik raushnī sī hotī hai

maiñ misl-e-kirmak shab-tāb jaltā rahtā huuñ
kisī ke kaam to aa.egī raushnī merī

akelā maiñ hī nahīñ jā rahā huuñ bastī se
ye raushnī bhī mire saath jaane vaalī hai

ilm-o-hunar ke faiz se ilm-o-hunar ke bāvajūd
mahfil-e-zīst meñ 'nazīr' rañg hai raushnī nahīñ

duniyā pe apne ilm kī parchhā.iyāñ na Daal
ai raushnī-farosh añdherā na kar abhī

raushnī dar pe khaḌī mujh ko bulātī kyuuñ hai
maiñ añdhere meñ huuñ ehsās dilātī kyuuñ hai

dar-o-bām sab ne sajā liye sabhī raushnī meñ nahā liye
mirī uñgliyāñ bhī jhulas ga.iiñ magar ik charāġh jalā nahīñ

raat jab ḳhatm huī thī to sahar lagtī thī
raushnī rāhguzar rāhguzar lagtī thī

is liye raushnī meñ ThanDak hai
kuchh charāġhoñ ko nam kiyā gayā hai

raushnī aadhī idhar aadhī udhar
ik diyā rakkhā hai dīvāroñ ke biich

luT ga.ī zindagī bujh ga.e diip bhī duur tak phir na baaqī rahī raushnī
is añdhere meñ bhī ham tirī yaad se apnī vīrān mahfil sajāte rahe

tamām ādarsh jal rahe haiñ
aur in ke sho.aloñ kī raushnī meñ

ajiib log haiñ bastī meñ raushnī ke liye
diyā jalāte nahīñ haiñ dhuāñ uḌāte haiñ

mujhe ḳhabar hai ki zulmat Thahar nahīñ saktī
mujhe patā hai ise raushnī ne dekhā hai