Collections

Lab Shayari

Motivational Ghazals

Best Khamoshi Shayari

More Collections

Tags-Raat

is se pahle ki Dhale raat nayā din nikle
tire ḳhvāboñ ko mire ḳhvāb meñ Dhalnā hogā

ai meri jaan tujhe aur badalna hoga

kisī daraḳht kī hiddat meñ din guzārnā hai
kisī charāg kī chhāñv meñ raat karnī hai

na nind aur na KHwabon se aankh bharni hai

maiñ us ko bhuul jā.ūñ raat ye māñgī duā maiñ ne
karūñ kyā maiñ agar merī duā vāpas palaT aa.e

main usko bhul jaun raat ye mangi dua maine

raat qaabū meñ rahe shahr ke hālāt magar
laash ik lipTī huī sub.h ke aḳhbār meñ hai

fikr-e-naqqad-e-adab dirham-o-dinar mein hai

kyā kaheñ apnī siyah-baḳhtī hī kā andher hai
varna sab kī hijr kī raat aisī kaalī bhī nahīñ

kya kahen apni siyah-baKHti hi ka andher hai

vasl kī raat ḳhushī ne mujhe sone na diyā
maiñ bhī bedār rahā tāle-e-bedār ke saath

wasl ki raat KHushi ne mujhe sone na diya

dastakeñ detā rahā raat jo galiyoñ meñ use
zehn āvāra kahūñ niiñd kā maarā samjhūñ

jab teri zat ko phaila hua dariya samjhun

raat kī tūfānī bārish meñ
tū mujh se milne aayā thā

mujhko aur kahin jaana tha

raat bhīgī jā rahī hai sard aaheñ ho chalīñ
chhoḌ ye mad-hoshiyāñ 'tālib' saverā ho gayā

pahle dard-e-dil pe kahte the ki ye kya ho gaya

ab bhī vahī din raat haiñ lekin farq ye hai
pahle bolā karte the ab sunte haiñ

ab bhi wahi din raat hain lekin farq ye hai

us ke ba.ad:
bhīgī raat kā nashsha TuuTā Duub gayā hai chaḌhtā chāñd

targhib aur uske baad

ik vo ki raat din raheñ mahfil meñ us kī haa.e
ik ham ki tarseñ sāya-e-dīvār ke liye

ek wo ki raat din rahen mahfil mein uski hae

raat ke ba.ad sahar hogī magar kis ke liye
ham hī shāyad na raheñ raat ke Dhalte Dhalte

hum bahut dur nikal aae hain chalte chalte

siyāh raat hai mahtāb ban ke aa jaao
ye 'indirā' ke laboñ par hai iltijā sāhab

abhi se kaise kahun tumko bewafa sahab

yuuñ to har raat chamakte haiñ sitāre lekin
vasl kī raat bahut sub.h kā taarā chamkā

yun to har raat chamakte hain sitare lekin

har ek raat kahīñ duur bhaag jaatā huuñ
har ek sub.h koī mujh ko khīñch laatā hai

ajib shaKHs hai pahle mujhe hansata hai

sūraj lihāf oḌh ke soyā tamām raat
sardī se ik parinda darīche meñ mar gayā

suraj lihaf oDh ke soya tamam raat

kuchh shafaq shafaq aariz kuchh ufuq ufuq chehre
aarzū ne bazm apnī raat yuuñ sajā.ī thī

aainon se pahle bhi rasm-e-KHud-numai thi

isī khañDar meñ kahīñ kuchh diye haiñ TuuTe hue
inhīñ se kaam chalāo baḌī udaas hai raat

isi khanDar mein kahin kuchh diye hain TuTe hue

raat guzrī hai aaj phir tanhā
aaj bhī raat raat sī na rahī

mujhko us se najat bhi na rahi