Tags-Ishq

hotī nahīñ hai yūñhī adā ye namāz-e-ishq
yaañ shart hai ki apne lahū se vuzū karo

ye shahr-e-ishq bahut jald ujaḌne vaalā hai
dukān-dār o ḳharīdār jhuuT bolte haiñ

tire ishq meñ kyuuñ na maiñ dil ko ro.uuñ jigar ke liye kyuuñ na maiñ aah khīñchūñ
shab-o-roz kī muḳhtalif āfatoñ ne ise kar diyā chit use kar diyā paT

tire ishq meñ chain se kyā rahūñ maiñ tire ishq meñ jab na de chain mujh ko
nazar kā palaTnā zabāñ kā badalnā muqaddar kī gardish zamāne kī karvaT

koī baaqī nahīñ tilism-e-jamāl
ishq vaale shahīd ho ga.e kyā

phir ġhairat-e-ishq ne biThā.e
darbāñ shadīd us ke dar par

hai ishq suḳhan kā 'mus.hafī' ko
maa.il nahīñ itnā sīm-o-zar par

ishq se tere baḌhe kyā kyā diloñ ke martabe
mehr zarroñ ko kiyā qatroñ ko dariyā kar diyā

ye samundar hai kināre hī kināre jaao
ishq har shaḳhs ke bas kā nahīñ pyāre jaao

dil kī baazī lage phir jaan kī baazī lag jaa.e
ishq meñ haar ke baiTho nahīñ haare jaao

yā maiñ ne rāh-e-ishq-o-vafā se gurez kī
yā ham-nafas mire mujhe samjhā ke rah ga.e

kyā un se uTh sakeñgī mohabbat kī saḳhtiyāñ
jo paañv rāh-e-ishq meñ phailā ke rah ga.e

kamāl-e-ishq ne mere kiyā hai zer use
kisī kā husn jo kal tak zabar banā huā thā

hai mumkin natīja judā.ī bhī ho
magar ishq kī ibtidā dekhnā

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

maḳhfī hai is meñ rāz-e-baqā-e-hayāt-e-ishq
kyā pūchhte ho haal dil-e-be-qarār kā

jo husn meñ aa ke naaz ban jaatā hai
aur ishq meñ jo niyāz ban jaatā hai

jaise girheñ de koī zunnār kā sub.ha banā.e
pur hai kufr-e-ishq tyuuñ īmān ke dānoñ ke beach