Tags-Hawa

ḳhushī se kaaT le qātil mirā sar
huā hai ab to mujh ko be alif re

ilāhī ze alif re to huā huuñ
pa chashm-e-ġhair meñ huuñ ḳhe alif re

sochnā ye hai ki us ke ḳhūn-e-dil ko kyā huā
jo qafas meñ ārzū-e-rañg-o-bū kartā rahā

tum havā un khiḌkiyoñ se sirf itnā dekhnā
us ne koī ḳhat kisī ke naam likkhā is taraf

ai havā ai mere dil ke shahr se aatī havā
tujh ko kyā paiġhām de kar us ne bhejā is taraf

Thiik huā jo bik ga.e sainik muTThī bhar dīnāroñ meñ
vaise bhī to zañg lagā thā pushtainī hathiyāroñ meñ

sard nasoñ meñ chalte chalte garm lahū jab barf huā
chaar paḌosī jism uThā kar jhoñk aa.e añgāroñ meñ

na havā thī na mirī āh-e-adū the vo the
haal shab ko na khulā sham.a ke bujh jaane kā

chamak damak par miTā huā hai ye bāġhbāñ tujhko kyā huā hai
fareb-e-shabnam meñ mubtalā hai chaman kī ab tak ḳhabar nahīñ hai

havā ko mauj-e-sharāb kar de fazā ko mast o ḳharāb kar de
ye zindagī ko shabāb kar de nazar tumhārī nazar nahīñ hai

maiñ aur bazm-e-mai se yuuñ tishna-kām aa.uuñ
gar maiñ ne kī thī tauba saaqī ko kyā huā thā

havā meñ tiir chalāne se fā.eda 'jāved'
tirī jab āñkheñ khulī haiñ to dushmanoñ tak rah

koī is fasl meñ dīvāna huā hai shāyad
ki havā haath meñ zanjīr liye phirtī hai

aur phir
na pūchho ki phir kyā huā

na koī aag hai mujh meñ na raushnī na dhuāñ
kisī ke ḳhvāb meñ jaltā huā diyā huuñ maiñ

paidā huā vakīl to shaitān ne kahā
lo aaj ham bhī sāhib-e-aulād ho ga.e

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ek pahuñchā huā musāfir hai
dil bhaTakne meñ phir bhī māhir hai

ik mohabbat ke sivā aur na kuchh māñgā thā
kyā kareñ ye bhī zamāne ko gavārā na huā