Tags-Hawa

ḳhafā thī shāḳh se shāyad ki jab havā guzrī
zamīñ pe girte hue phuul be-shumār dikhe

ruuh betāb hai chehroñ kā ta.assur paḌh kar
yaanī be-ghar huā maiñ shahr meñ ik ghar le kar

vahī navā-gar-e-ālam ḳhudā-e-saut-o-sadā
vahī havā ko faqat saa.eñ saa.eñ detā hai

aao un ko bāhar lā kar taaza havā meñ biThlā.eñ
log chhupe baiThe haiñ kab se apnī zaat ke ġhāroñ meñ

sadqe meñ tum ne chhoḌ diye haiñ bahut asiir
maiñ bhī rihā huā ki giraftār hī rahā

havā kī zad pe hamārā safar hai kitnī der
charāġh ham kisī shām-e-zavāl hī ke to haiñ

nūr-o-nik.hat meñ nahāyā huā vo terā kalām
rūd-e-kausar kā chamaktā huā paanī jaise

jashn-e-azīm is saal huā hai
shāhī fort meñ ball huā hai

paḌā huā huuñ jahāñ jis tarah paḌā huuñ maiñ
jo tere dar se na uTThe vo naqsh-e-pā huuñ maiñ

na.ī bahār ne paiġhām ye havā ko diyā
guloñ ke tan se ḳhizāñ kā kafan utaar ke aa

phir havā ne Tiin kī chādareñ gardanoñ par pheñkīñ
maa.eñ niiñd se laḌne lagīñ

aate haiñ ayādat ko to karte haiñ nasīhat
ahbāb se ġham-ḳhvār huā bhī nahīñ jaatā

us se kuchh ḳhaas ta.alluq bhī nahīñ hai apnā
maiñ pareshān huā jis kī pareshānī par

aap kī kaun sī baḌhī izzat
maiñ agar bazm meñ zalīl huā

hai koī der se us paar muntazir merā
rukā huā huuñ ki naddī zarā utar jaa.e

vo bād-e-tund hai har peḌ kī ye koshish hai
havā ke saath koī dūsrā shajar jaa.e

is tarah rahbar ne luuTā kārvāñ
ai 'fanā' rahzan ko bhī sadma huā

tujh par bhī har ik samt se pathrāv huā hai
mujh par bhī har ik samt se pathrāv huā hai

huā to hai be-naqāb koī nazar hai mahrūm-e-dīd phir bhī
naqāb se hai sivā tajallī jamāl-e-chilman se kam nahīñ hai

ek sher huā yuuñ ki kaleje se lagā hai
dariyā meñ utar kar bhī ravānī nahīñ samjhe