Tags-Hawa

sukhāne zulf vo aa.e haiñ chhat par
hai sūraj aaj phir sahrā huā sā

likhā us naam kā pahlā hī akhshar
mukammal page hai chehra huā sā

har rañg meñ hai vo jalva-numā tū ek hijāb meñ jā ke chhapā
kyuuñ kor savād huā hai batā kyā āñkhoñ meñ tire nuur nahīñ

jo ishq meñ bar-sar-e-dār huā sardār vahī sarshār huā
sarmast visāl-e-yār huā kis tarah kaheñ mansūr nahīñ

kyuuñ mahv-e-sar-e-pindār huā ai musht-e-ḳhāk hai naqsh-e-fanā
duniyā meñ kahāñ hai rañg-e-baqā jamshed nahīñ maġhfūr nahīñ

mastūr jo thā manzūr huā vo jalva-e-rañg-e-zuhūr huā
jo hijāb thā ruḳh se duur huā mushtāq-laqā mahjūr nahīñ

jo aap huā benām-o-nishāñ us ko hai milā vo jān-e-jahāñ
merāj-e-visāl hai us ko kahāñ jo ishq meñ chaknā-chūr nahīñ

yā to vo qurb thā yā duur huā jaatā huuñ
ab to apne se bhī mastūr huā jaatā huuñ

sho.ala-e-ishq vo sho.ala hai ki allāh allāh
sadqe is naar ke maiñ nuur huā jaatā huuñ

ālam-e-jabr meñ quvvat kā taḳhayyul thā bahut
ab vo quvvat hai ki majbūr huā jaatā huuñ

ishq kī raah meñ manzil koī khoī hī nahīñ
kyā ḳhabar paas huuñ yā duur huā jaatā huuñ

kis ko samjhā.ūñ tajalli-e-tabassum kā faroġh
barq ye vo hai ki maiñ tuur huā jaatā huuñ

terā har ġham hai tarab-ḳhez tire ġham kī qasam
shiddat-e-dard se masrūr huā jaatā huuñ

kah do tayyār kareñ dār-o-rasan phir se 'bashīr'
ālam-e-kaif maiñ mansūr huā jaatā huuñ

ret par phailā huā hai ḳhvāb jaisā ik sarāb
ḳhushk āñkhoñ kā sukūñ sahrā ke is paanī meñ hai

phir kisī tūfān kī aamad kā andesha huā
phir qayāmat sī bapā dariyā kī tuġhyānī meñ hai

dil jo is bazm meñ aatā hai to jaatā hī nahīñ
ek din dekhnā dīvāna huā rakkhā hai

haal mat pūchh mohabbat kā havā hai kuchh aur
lā ke kis ne ye sar-e-rāh diyā rakkhā hai

bār-hā yuuñ bhī huā terī mohabbat kī qasam
jaan kar ham ne tujhe ḳhud se ḳhafā rakkhā hai

juz hamāre kaun āḳhir dekhtā is kaam ko
ruuh ke andar koī kār-e-badan hotā huā