Tags-Hawa

hamārā kyā hai ki bas ham haiñ ek musht-e-ġhubār
khulī fazā jo milī pur-fishāñ huā hai ye dil

ajab qayām-o-safar kā hai marhala 'mohsin'
Thahar ga.ī hai nazar to ravāñ huā hai ye dil

ai 'mus.hafī' mere haal pe ab kyūñ-kar na koī afsos kare
be-sāḳhta dil betāb huā aañsū kī Dhalak phir vaisī hī

kuchh to 'shāhid' ko bhī nisbat rahī hogī us se
vo jo TuuTā huā gul-dān uThā laa.e haiñ

ek ik lamhe ko palkoñ pe sajātā huā ghar
raas aatā hai kise hijr manātā huā ghar

ḳhvāb ke ḳhadshe se ab niiñd uḌī jaatī hai
maiñ ne dekhā hai use chhoḌ ke jaatā huā ghar

gar zabāñ hotī to patthar hī batātā sab ko
kis qadar TuuTā hai vo ḳhud ko banātā huā ghar

us kā ab zikr na kar chhoḌ ke jaane vaale
tū ne dekhā hī kahāñ ashk bahātā huā ghar

ab use yaad kahūñ yaas kahūñ yā vahshat
mujh ko aatā hai nazar ḳhaak uḌātā huā ghar

thak gayā kyā mire tūlānī safar se 'ādil'
so gayā saath mire mujh ko sulātā huā ghar

rahe hirs-o-havā daa.im azīzo saath jab apne
na kyūñkar fikr-e-besh-o-kam hameñ bhī ho tumheñ bhī ho

muddatoñ ba.ad pashemāñ huā dariyā ham se
muddatoñ ba.ad hameñ pyaas chhupānī aa.ī

muddatoñ ba.ad mayassar huā maañ kā āñchal
muddatoñ ba.ad hameñ niiñd suhānī aa.ī

kaleje saare daraḳhtoñ ke sahme jaate the
havā kā ruḳh thā bhalā kis ke iḳhtiyār meñ thā

huā thā hukm-e-safar dil magar thā rū-gardāñ
so rah meñ baiTh rahe dil pe dosh dharte hue

kuchh samajh kar hī huā huuñ mauj-e-dariyā kā harīf
varna maiñ bhī jāntā huuñ āfiyat sāhil meñ hai

shāyad kisī mahrūmī kā iz.hār huā hai
mazmūn mohabbat ke jo sheroñ meñ dhar aa.e

havā jārūb-kash thī āsmāñ-āsār tinkoñ kī
jise apnī suhulat ke liye duniyā... ye tan-āsān duniyā... ik muravvat meñ

vo ek dard jo saiqal nahīñ huā ab tak
usī ko ā.ina-e-yār karte rahnā hai

shikve tauqīr-e-mohabbat bhī huā karte haiñ
magar us vaqt jab aapas meñ banī hotī hai