Tags-Hawa

munsif ko sab ḳhabar hai magar boltā nahīñ
mujh par huā jo zulm sazā ke baġhair bhī

raqs kartā huā maqtal meñ chalā aayā huuñ
paañv mat dekh mire paañv kī zanjīr ko dekh

kisī ko merī zarūrat nahīñ so be-masraf
gaḌā huā huuñ kisī ghar meñ kiil kī sūrat

tāsīr-e-ashk-o-āh ne badlā nahīñ mizāj
muddat huī ki shākī-e-āb-o-havā haiñ ham

ye kaisā rabt huā dil ko terī zaat ke saath
tirā ḳhayāl ab aatā hai baat baat ke saath

kaThin thā marhala-e-intizār-e-sub.h bahut
basar huā huuñ maiñ ḳhud bhī guzartī raat ke saath

paḌīñ thiiñ pā-e-nazar meñ hazār zanjīreñ
bañdhā huā thā maiñ apne tavahhumāt ke saath

jaago havā abhī sard nahīñ hai
tumheñ zarā bhī dard nahīñ hai

ham ko chalnā hai jo gulshan meñ to is tarah chaleñ
jaise gulshan ke havā-ḳhvāh chalā karte haiñ

huā agar shauq aa.ine se to ruḳh rahe rāstī kī jānib
misāl-e-āriz safā.ī rakhnā ba-rañg-e-kākul kajī na karnā

qafas meñ aah had iizā hai ham ko
na aatī kaash gulshan kī havā ḳhush

kiyā qatl un ne mujh ko ġhair se mil
huā dushman judā ḳhush vo judā ḳhush

mū-e-ātish meñ jal parvāna o sham.a
mohabbat se maiñ un kī had huā ḳhush

gayā thā sair ko le saaqī o mai
na aa.ī baaġh kī āb-o-havā ḳhush

mire dil kī āb-o-havā lagī ki vafā bhī un ko ḳhatā lagī
vahī sādgī se jo aa.e the vahī bāñkpan se chale ga.e

ġham yaañ to bikā huā khaḌā hai
fidvī hai fidā huā khaḌā hai

hiltā nahīñ tere dar se ye ishq
muddat se milā huā khaḌā hai

ḳhūnīñ-kafan-e-shahīd-e-ulfat
dūlhā sā banā huā khaḌā hai

Tuk gosha-e-chashm idhar bhī koī
kone se lagā huā khaḌā hai

dāman kā hai gher gird-e-jānāñ
kyuuñ jī vo ghirā huā khaḌā hai