Tags-Hawa

sar huā ūñchā qalb kushāda kyā kam hai ye atā
sañg mileñ yā tamġhe talā.ī sab ke saath chalo

har har saañs havā amrit ras meñ yā Duubī bas meñ
vasl ho yā āshob-e-judā.ī sab ke saath chalo

mar ga.e par bhī na ho bojh kisī par apnā
ruuh ke saath huā ho tan-e-lāġhar apnā

va.ada-e-vasl agar aaj bhī puurā na huā
ye samajh lījiye va.ada hai barābar apnā

huā to hai tere hijr meñ dil hamārā jal kar kabāb saaqī
kasar agar hai to itnī hī hai ki puḳhta aadhā hai ḳhaam aadhā

ye charke de de ke tū ne mujh ko jo nīm-jāñ kar rakhā hai nāhaq
halāl kar Daal ab to zālim huā hai jiinā harām aadhā

retīlī kitnī havā hai ird-gird
har nazar ik aa.ina hai ird-gird

huā na duur mire dil se zañg-e-mahrūmī
tamām raat ravāñ chashm-e-āb-jū hī rahī

tavāf-e-shahr-e-nigārāñ mirā hī jurm nahīñ
zan-e-havā bhī to āvāra kū-ba-kū hī rahī

bahut mushkil huā andar ke rezoñ ko chhupānā
so ab apnā bikhar jaanā zarūrī ho gayā hai

ḳhvāh donoñ saath mil kar tai kareñ ye fāsla
ai havā tujh ko bhī koī ham-safar miltā nahīñ

is darja merī zaat se us ko hasad huā
jo bhī savāl maiñ ne kiyā mustarad huā

us ne hī dī sazā mujhe sahrā kī dhuup meñ
mere badan kī chhāñv se jo nā-balad huā

aisī chalī havā ki har ik shāḳh jal ga.ī
vo peḌ jo harā thā ġhamoñ kī sanad huā

socheñ haiñ ḳhvāb-ḳhvāb to tahrīr āb-āb
ham kyā kaheñ ki kaun yahāñ nek-o-bad huā

us kī hī aarzū meñ ye chehre udaas haiñ
vo aa.ina ki jis kā taqāzā ashad huā

jis ne sadāqatoñ ko lahū se kiyā raqam
us shaḳhs kā har ek suḳhan mustanad huā

merā sitārā us ke sitāre se yuuñ milā
merā aur us kā naam 'hasan' ham-adad huā

jis ko dekhūñ vahī barbād huā jaatā hai
aadmī kyā hai mohabbat kā khañDar hai kyuuñ hai

tirī yaad meñ huā jab se gum tire gum-shuda kā ye haal hai
ki na duur hai na qarīb hai na firāq hai na visāl hai