English
Favourite
Favourite
UrduShayarUrduShayar
Expand menu
Sign inAccount

Tags-Hawa

ālam-e-vajd se iqrār meñ aatā huā maiñ
qissa-e-dard banā ḳhvāb sunātā huā maiñ
Ghazal
 aalam-e-wajd se iqrar mein aata hua main
mansab-e-dār pe aayā huuñ baḌī shaan ke saath
hākim-e-shahr tire hosh uḌātā huā maiñ
Ghazal
 aalam-e-wajd se iqrar mein aata hua main
zindagī hijr hai aur hijr bhī aisā hai ki bas
saañs tak haar chukā vasl kamātā huā maiñ
Ghazal
 aalam-e-wajd se iqrar mein aata hua main
chāndnī raat meñ dariyā sī ravāñ yaad ke saath
kaif o mastī meñ chalā jhūmtā gaatā huā maiñ
Ghazal
 aalam-e-wajd se iqrar mein aata hua main
yaar dekho to kabhī mausam-e-hijrāñ meñ idhar
ḳhaak hotā huuñ yahāñ dasht sajātā huā maiñ
Ghazal
 aalam-e-wajd se iqrar mein aata hua main
shāḳh-e-imkāñ se tirī yaad kī mahkār chunūñ
ek bhañvrā sā tirī or ko jaatā huā maiñ
Ghazal
 aalam-e-wajd se iqrar mein aata hua main
halqa-e-sher se guzrūñgā mohabbat meñ 'sa.īd'
dil ke jazbāt ko alfāz meñ laatā huā maiñ
Ghazal
 aalam-e-wajd se iqrar mein aata hua main
kisī kā yuuñ to huā kaun umr-bhar phir bhī
na jaane kyuuñ thā yaqīñ tere pyaar par phir bhī
Ghazal
 kisi ka yun to hua kaun umr-bhar phir bhi
vo ek shaḳhs ki baa.is mire zavāl kā thā
zamīñ se miltā huā rañg us ke jaal kā thā
Ghazal
 wo ek shaKHs ki bais mere zawal ka tha
dil o nigāh meñ jhagḌā bhī munfarid thā magar
jo faisla huā vo bhī baḌe kamāl kā thā
Ghazal
 wo ek shaKHs ki bais mere zawal ka tha
maiñ bhuul baiThā huuñ hañsnā 'fartāsh' bhuul baiThā
huā hai ḳhushiyoñ kā band mujh par kivāḌ aisā
Ghazal
 gali ka patthar tha mujh mein aaya bigaD aisa
dil-e-muztar ko samjhāyā bahut hai
huā tanhā to ghabrāyā bahut hai
Ghazal
 dil-e-muztar ko samjhaya bahut hai
be-mehrī kī tohmat bhī hai mehr-o-muravvat vāloñ par
usī havā ne murjhā.e haiñ jis ne phuul khilā.e the
Ghazal
 ek tumhaare pyar ki KHatir jag ke dukh apnae the
nihāl-e-ḳhushk huuñ maiñ ab to yaaro kyā huā yaanī
kabhī is bed-e-majnūñ par bhī shaidā.ī kā aalam thā
Ghazal
 shab-e-hijran thi main tha aur tanhai ka aalam tha
dekhī hī nahīñ ḳhizāñ kī sūrat
kis gulshan-e-shauq kī havā huuñ
Ghazal
 har shaKHs ko aise dekhta hun
nā-qadr-shanās jauharī ko
rāhoñ meñ paḌā huā milā huuñ
Ghazal
 har shaKHs ko aise dekhta hun
huā hai ishq taaza ibtidā.ī aah hotī hai
mubārak tifl-e-dil kī aaj bismillāh hotī hai
Ghazal
 hua hai ishq taza ibtidai aah hoti hai
bulandiyoñ ke nishāñ tak na chhū sake vo log
jinheñ gumāñ thā havā pe savār ham bhī haiñ
Ghazal
 darida-pairahanon mein shumar hum bhi hain
havā ke ghoḌe pe jab vo savār hote haiñ
to pā ke vaqt maiñ kyā kyā maze uḌātā huuñ
Ghazal
 falak ke hathon jidhar munh uThae jata hun
lo mire zikr-e-mohabbat pe ye irshād huā
qais o farhād kā anjām sunā hai ki nahīñ
Ghazal
 ye naya zulm nai tarz-e-jafa hai ki nahin
Top Urdushayar.com