English
Favourite
Favourite
UrduShayarUrduShayar
Expand menu
Sign inAccount

Tags-Hawa

daraḳht jaḌ se ukhaḌne ke mausamoñ meñ bhī
havā kā pyaar shajar se ajab kamāl kā thā
Ghazal
 saliqa ishq mein mera baDe kamal ka tha
kitāb kis kī masāfat kī likh rahī hai havā
ye qarz us kī taraf kis ke maah o saal kā thā
Ghazal
 saliqa ishq mein mera baDe kamal ka tha
kyā ḳhabar thī ki havā tez chalegī itnī
saarā sahrā mire chehre pe bikhar jā.egā
Ghazal
 itna sannaTa hai basti mein ki Dar jaega
fan vo jugnū hai jo uḌtā hai havā meñ 'qaisar'
band kar loge jo muTThī meñ to mar jā.egā
Ghazal
 itna sannaTa hai basti mein ki Dar jaega
cigarette jise sulagtā huā koī chhoḌ de
us kā dhuāñ huuñ aur pareshāñ dhuāñ huuñ maiñ
Ghazal
 kahne ko sham-e-bazm-e-zaman-o-makan hun main
ab to us kī dhuup meñ jaltā hai merā tan-badan
kyā huā vo mehr jo sub.heñ suhānī de gayā
Ghazal
 bujh gae shoale dhuan aankhon ko pani de gaya
phir huā ehsās yuuñ mujh ko ki maiñ ik naqsh huuñ
kaun tasvīroñ ko hukm-e-be-zabānī de gayā
Ghazal
 bujh gae shoale dhuan aankhon ko pani de gaya
phir yuuñ huā ki raushnī nāzil huī vahāñ
phir dekhte hī khul gayā chaak qafas ki bas
Ghazal
 dil se nikal na paegi mauj-e-hawas ki bas
tirī chāhat meñ jo kuchh pā liyā hai
nahīñ hāsil huā vo bandagī meñ
Ghazal
 basarat kho gai hai raushni mein
is se aage hai miyāñ muntziroñ kī bastī
ik diyā jaltā huā taaq meñ dekhā gayā hai
Ghazal
 ranj jo dida-e-namnak mein dekha gaya hai
kah rahe haiñ havā se rāz-e-chaman
koī ġhunchoñ ke bhī to hoñT siye
Ghazal
 ek tabassum se humne rok liye
ruḳh havā kā badal gayā shāyad
ghar ke bāhar bhī jal rahe haiñ diye
Ghazal
 ek tabassum se humne rok liye
aah merī nā-rasā fariyād merī be-asar
niiñd uḌā dī jis ne terī vo havā thī maiñ na thā
Ghazal
 bar-sar-e-lutf aaj chashm-e-dil-ruba thi main na tha
ye chamaktā huā sūraj bhī mirī shaam ke ba.ad
raat ke gahre samundar meñ utar jā.egā
Ghazal
 shauq jab jurat-e-izhaar se Dar jaega
kaam itnā to karegā ye ubaltā huā ḳhuun
saare manzar meñ mirā rañg to bhar jā.egā
Ghazal
 shauq jab jurat-e-izhaar se Dar jaega
apne hisār-e-zāt meñ uljhā huā huuñ maiñ
ya.anī ki kā.enāt meñ uljhā huā huuñ maiñ
Ghazal
 apne hisar-e-zat mein uljha hua hun main
qaabū meñ aaj dil nahīñ kyā ho gayā mujhe
phir aaj ḳhvāhishāt meñ uljhā huā huuñ maiñ
Ghazal
 apne hisar-e-zat mein uljha hua hun main
jaise ki hone vaalī hai anhonī phir koī
har-pal tavahhumāt meñ uljhā huā huuñ maiñ
Ghazal
 apne hisar-e-zat mein uljha hua hun main
kuchh apnā farz pyaar tirā fikr-e-rozgār
kitne hī vārdāt meñ uljhā huā huuñ maiñ
Ghazal
 apne hisar-e-zat mein uljha hua hun main
fursat kahāñ banā.ūñ marāsim na.e na.e
pichhle ta.alluqāt meñ uljhā huā huuñ maiñ
Ghazal
 apne hisar-e-zat mein uljha hua hun main
Top Urdushayar.com