Tags-Hawa

dasht-e-āzār meñ ḳhāroñ pe chalāyā huā maiñ
sañg-bārī ke tarashshoh meñ nahāyā huā maiñ

chhoḌ aayā huuñ saf-e-jāñ pe nishāñ sajdoñ ke
nok-e-neza pe dam-e-asr uThāyā huā maiñ

teġh-e-qātil pe chamaktī hai mire ḳhuun kī zau
shahr-e-bedād meñ ḳhat likh ke bulāyā huā maiñ

ḳhusbū-e-shauq-e-shahādat se mo.attar ho kar
gulshan-e-mahzar-e-mīqāt pe aayā huā maiñ

sub.h-e-ālām ke sūraj ko sadā detā huā
vus.at-e-shām-e-ġharībāñ meñ samāyā huā maiñ

ek dil thā so huā hai pā.emāl-e-ārzū
ab na koī rahnumā hai aur na koī ham-safar

ai musavvir jo huā manqūsh tere haath se
vo kahāñ tasvīr ban saktī kisī se qaash kī

'shāz' ma.alūm huā ijz-bayānī kyā hai
dil meñ vo aag hai lafzoñ meñ samo bhī na sakūñ

kal tere tishnagāñ se ye kyā mo.ajaza huā
dariyā pe hoñT rakkhe to dariyā tamām-shud

jā kar fanā ke us taraf āsūda maiñ huā
maiñ ālam-e-adam meñ bhī dekhā mazā na thā

vafā kā mahaktā huā phuul ban kar
mahak apnī ham par luTā kar to dekho

huā hai aisā ki fāriġh irādatan bhī kabhī
ham apnī raah meñ kāñTe ziyāda karte rahe

vaqt ke haath kā pheñkā huā patthar huuñ maiñ
ab to mujh ko kisī shīshe meñ utar jaane do

bichhā huā thā nigāhoñ meñ farsh-e-istisqā
zamīn-e-dil pe nabī kī duā nikal aa.ī

jaise sab tūfān mirī sāñsoñ se bañdhe hoñ mujh meñ chhupe hoñ
dil meñ kisī Dar ke aate hī zor havā kā baḌh jaatā hai

rañg meñ haiñ saare ghar vaale khanak rahe haiñ chaa.e ke pyāle
duniyā jaag chukī hai lekin apnā saverā nahīñ huā hai

sahrā kī havā khīñche liye jaatī hai mujh ko
kahtā hai vatan dekh zarā phir ke idhar bhī

jo baat kī thī havā meñ bikharne vaalī thī
jo ḳhat likhā thā vo purzoñ meñ baTne vaalā thā

hoñT par sach chup kī sūrat khil uThā
raaz ifshā jab huā duniyā hai kaun

dil numūdār huā hai dil meñ
aañkh ik aañkh se bhar aa.ī hai