Tags-Hawa

kabhī kabūtar kī tarah lagtā hai abr mujh ko
kabhī havā se koī kahānī nikāltā huuñ

dil ek aur hazār āzmā.isheñ ġham kī
diyā jalā to thā lekin havā kī zad par thā

maiñ hī nahīñ huuñ barham us zulf-e-kaj-adā se
Tuk muñh tirā jo paa.eñ uljheñ abhī havā se

is daur-e-āfiyat meñ ye kyā ho gayā hameñ
patta samajh ke le uḌī vahshī havā hameñ

ḳhaak hone ko hai ab dil kī ḳhabar bhī le lo
dil se uThtā huā aahoñ kā dhuāñ boltā hai

mil ke masrūr huā aaj bahut 'jāmī' se
vo bhī merī hī tarah urdu zabāñ boltā hai

qatra-e-mai bas-ki hairat se nafas-parvar huā
ḳhatt-e-jām-e-mai sarāsar rishta-e-gauhar huā

e'tibār-e-ishq kī ḳhāna-ḳharābī dekhnā
ġhair ne kī aah lekin vo ḳhafā mujh par huā

garmī-e-daulat hui ātish-zan-e-nām-e-niko
ḳhāna-e-ḳhātim meñ yāqūt-e-nagīñ aḳhtar huā

nashsha meñ gum-karda-rāh aayā vo mast-e-fitna-ḳhū
aaj rañg-rafta daur-e-gardish-e-sāġhar huā

dard se dar-parda dī mizhgāñ-siyāhāñ ne shikast
reza reza ustuḳhāñ kā post meñ nashtar huā

zohd gardīdan hai gard-e-ḳhāna-hā-e-mun.imāñ
dāna-e-tasbīh se maiñ mohra-dar-shashdar huā

ai ba-zabt-e-hāl-e-nā-afsurdagāñ josh-e-junūñ
nashsha-e-mai hai agar yak-parda nāzuk-tar huā

is chaman meñ resha-dārī jis ne sar kheñchā 'asad'
tar zabān-e-lutf-e-ām-e-sāqī-e-kausar huā

abhī to habs hai mushkil hai saañs lenā bhī
havā chalī to phir ā.eñgī āñdhiyāñ bhī bahut

mire bachchoñ ko allāh rakhe in taaza havā ke jhoñkoñ ne
maiñ ḳhushk peḌ ḳhizāñ kā thā mujhe kaisā barg-o-bār diyā

jo huā honā hī thā so ho gayā hai dosto
daaġh is ahd-e-sitam kā dil se dhonā hai abhī

sab ne milā.e haath yahāñ tīrgī ke saath
kitnā baḌā mazāq huā raushnī ke saath

phūloñ se hogī dhuul judā dekhte raho
manzar nikhār degī havā dekhte raho

tilā.ī ghaas se vaadī meñ thā talātum sā
havā meñ narm shuāoñ kī sarsarāhaT thī