Tags-Hawa

ham pareshāñ-hāl 'fāzil' se mile
hai tabī.at kā bahut suljhā huā

aatā hai jo tūfāñ aane de kashtī kā ḳhudā ḳhud hāfiz hai
mumkin hai ki uThtī lahroñ meñ bahtā huā sāhil aa jaa.e

'zafar' badal ke radīf aur tū ġhazal vo sunā
ki jis kā tujh se har ik sher intiḳhāb huā

vāpsī kā ye safar kab se huā thā āġhāz
naqsh-e-pā jis kā ubhartā hī chalā jaatā hai

mujh ko dushvār huā jis kā nazārā tanhā
kaash mil jaa.e kahīñ mujh ko dobārā tanhā

uzr kyā kyā na tarāshā kiye arbāb-e-havas
jaan dene kā huā ishq ko yaarā tanhā

yuuñ bhī mahsūs huā jaise ki maiñ hī to huuñ
ek lamhe meñ jise maiñ ne guzārā tanhā

aah ye tūfāñ-ba-kaf abr-o-havā
aah vo yārān-e-sāhil-āshnā

ai 'sāhnī' kyuuñ aisā huā mujh ko batānā
raushan hai tire ghar meñ fazā aur kisī kī

samundar us kā havā us kī āsmāñ us kā
vo jis ke izn se ham kashtiyāñ banāte haiñ

havā daraḳhtoñ se kahtī hai dukh ke lahje meñ
abhī mujhe ka.ī sahrāoñ se guzarnā hai

ḳhaak meñ milte hue barg-e-ḳhizāñ se pūchhiye
kaun shāḳhoñ se use ūñchī havā tak le gayā

thā laal huā manzar sūraj ke nikalne se
vo vaqt thā vo chehra jab ham ko pasand aayā

pahāḌ jo khaḌā huā thā ḳhvāb-sā ḳhayāl sā
bikhar gayā hai rāste meñ gard-e-māh-o-sāl sā

bad-qismatī se ham haiñ in kashtiyoñ ke vāris
jin ke havā se ahd-o-paimān ho ga.e haiñ

misr fir.aun kī tahvīl meñ aayā huā hai
ḳhuun paanī kī jagah niil meñ aayā huā hai

vaqt be-vaqt jhalaktā hai mirī sūrat se
kaun chehra mirī tashkīl meñ aayā huā hai

pesh-bīnī hai ye ilhām ke ā.īne kī
aks qur.ān kā injīl meñ aayā huā hai

koī lamha mujhe tabdīl kiye jaatā hai
kyā taġhayyur mirī takmīl meñ aayā huā hai

sarguzisht-e-dil-e-tafrīh-talab meñ jānāñ
zikr terā kisī tafsīl meñ aayā huā hai