Tags-Duniya

vo ek kaif kā aalam vo ārzū-mandī
na jaane kaun sī duniyā meñ jī rahe the ham

mirī ḳhvāhish hai duniyā ko bhī apne saath le aa.uuñ
bulandī kī taraf lekin kabhī pastī nahīñ jaatī

duniyā mire paḌos meñ ābād hai magar
merī duā-salām nahīñ us zalīl se

hamārī ḳhaak se duniyā banī thī
hamārī raakh se ab kyā banegā

tujhe duniyā kī aadat paḌ ga.ī hai
akelā rah gayā to kyā karegā

ajiib qissa hai
jab ye duniyā samajh rahī thī

ajiib qissa hai
saarī duniyā ne

vo ḳhat jo us ke haath se purze huā 'adam'
duniyā kā sab se qīmtī maktūb ho gayā

vo aaj bhī qarīb se kuchh kah ke haT ga.e
duniyā samajh rahī thī mire din palaT ga.e

kyuuñ ravāna hai har ghaḌī duniyā
zindagī mustaqil safar kyuuñ hai

ham kahte kahte haar ga.e aur duniyā ne kuchh bhī na sunā
jab duniyā ne isrār kiyā ham apnā dard sunā na sake

ham bhī haiñ apnī vaz.a ke duniyā meñ ek sī
mumkin nahīñ milāp kareñ mudda.ī se ham

karam inaad ḳhushī ġham asīr-e-māyūsī
diloñ ko detī hai duniyā bhī dāvateñ kyā kyā

sukh chain agar duniyā meñ hai apne hī ghar meñ miltā hai sukh kā sahārā ghar apnā
dukh-dard kī gar koī davā hī apne hī ghar kī sivā hai dukh kā mudāvā ghar apnā

maiñ apne ham-rāh ek duniyā ko le ke jab chal paḌūñgā 'sājid'
zamīn paanī ke narm dhāre pe kyā yūñhī ghūmtī rahegī

ishq kā rog lagā hai ka.ī barsoñ se mujhe
kis liye mujh ko ye phir duniyā davā detī hai

merī duniyā meñ ashk-o-ḳhūñ kā tāñtā rahā har-dam
kabhī terī vafāoñ meñ kabhī tum se judā ho kar

yahī duniyā kī tañg-bīnī se miltā hai vafāoñ ko
judā ho jaate haiñ āshiq sanam se bevafā ho kar

jin se bichhḌe the to tārīk thī duniyā saarī
ham unheñ DhūñD ke phir laa.eñ zarūrī to nahīñ

muflis bandoñ par mat hañsnā dhan-daulat ke pahredāro
ye duniyā hai is duniyā kī har shai ānī-jānī hai