Tags-Dil

nahīñ vus.at tire dariyā-e-dil meñ
magar āñkhoñ meñ gahrā.ī bahut hai

'asad' mushkil se ghabrātā nahīñ huuñ
dimāġh-o-dil meñ yaktā.ī bahut hai

pukārtī haiñ mire dil kī pastiyāñ mujh ko
yahī to vaqt hai rutba buland rakhne kā

sabhī ġhamoñ kā uThātā huuñ ḳharch meñ 'rāhat'
ajab sila hai dil-e-dard-mañd rakhne kā

zabān kyuuñ nahīñ bantī hai ham-navā dil kī
ye shaḳhs kaun hai maiñ kis ke pairahan meñ huuñ

hujūm-e-gardish-e-daurāñ hai kyā ġhazal kahiye
dil-o-dimāġh pareshāñ hai kyā ġhazal kahiye

mire dil pe naqsh haiñ aaj tak vo ba-ehtiyāt navāzisheñ
vo ġhurūr o- zabt ayaañ ayaañ vo ḳhulūs o rabt nihāñ nihāñ

maiñ ne jo dil meñ chhupānā chāhā
mere chehre se numūdār huā

kyuuñ dil-e-betāb ko dikhlāyā ḳhāl-e-zer-e-zulf
daam meñ machhlī nahīñ aane kī daane ke liye

ab kisī gul-rū ke dil meñ kījiye ghar ai 'vazīr'
kyā chaman meñ tinke chuniye āshiyāne ke liye

ye dil ye pāgal dil mirā kyuuñ bujh gayā āvārgī
is dasht meñ ik shahr thā vo kyā huā āvārgī

fart-e-soz-e-ulfat meñ dekh kar sakūñ dil kā
bijliyāñ machaltī haiñ bādaloñ ke mahshar meñ

hasrat ārmān kī ho kahnā se gunjā.ish
hai vahī mire dil meñ hai vahī mire sar meñ

rahūñ āzād na ho qaid-e-maqāmī mālik
dil badalnā ho mirā shaġhl-e-davāmī mālik

jazb-e-dil kārgar nahīñ hotā
us ke dil par asar nahīñ hotā

dard dil meñ agar nahīñ hotā
baat meñ kuchh asar nahīñ hotā

jāntā huuñ ma.āl-e-betābī
dil pe qaabū magar nahīñ hotā

apne dil kā haal na kahnā kaisā lagtā hai
tum ko apnā chup chup rahnā kaisā lagtā hai

gale lagā ke mujhe pūchh mas.ala kyā hai
maiñ Dar rahā huuñ tujhe hāl-e-dil sunāne se

dil ye kahtā hai ki shāyad hai fasurda tū bhī
dil kī kyā baat kareñ dil to hai nādāñ jānāñ