Tags-Dil

ajiib pyaas thī us dil-rubā kī āñkhoñ meñ
ham un ko chuum na lete to aur kyā karte

jagah na dete kisī ḳhauf ko kabhī dil meñ
kisī se ishq jo karte to barmalā karte

jal ke raakh hone kī koshisheñ nahīñ hotīñ
der-pā bahut dil kī ḳhvāhisheñ nahīñ hotīñ

ḳhud-ba-ḳhud hī khulte haiñ dil meñ phuul ḳhushiyoñ ke
dil ko shaad rakhne kī kāvisheñ nahīñ hotīñ

taḳht-o-tāj māñge se kab kisī ko miltā hai
dil kī bādshāhī meñ baḳhshisheñ nahīñ hotīñ

ek justujū dil ko muztarib sī rakhtī hai
be-sabab to qismat kī gardisheñ nahīñ hotīñ

tasavvur ke sahāre yuuñ shab-e-ġham ḳhatm kī maiñ ne
jahāñ dil kī ḳhalish ubhrī tumheñ āvāz dī maiñ ne

ummīd-vār haiñ har samt āshiqoñ ke giroh
tirī nigāh ko allāh dil-navāz kare

tirī galī kī havā dil ko raas kyā aatī
huā ye haal ki miTTī ḳharāb ho ke rahī

vo āh-e-dil jise sun sun ke aap hañste the
ḳhadañg-e-nāz kā āḳhir javāb ho ke rahī

ye kah ke baiTh rahūñ huuñ jo apne ghar meñ zarā
to dil kahe hai ye ghabrā ke ''maiñ to jaatā hūñ''

tirī taḌap se na taḌpā thā merā dil lekin
tire sukūn se bechain ho gayā huuñ maiñ

tirī taḌap se na taḌpā thā merā dil lekin
tire sukūn se bechain ho gayā huuñ maiñ

batāo kyuuñ chup ho muñh se bolo guhar-fishāñ ho dahan to kholo
aziiz rakhte ho jis ko dil se usī ke sar kī tumheñ qasam hai

tumhāre kūche meñ jab se baiThe bhulā.e dil se sabhī tarīqe
ḳhudā hī shāhid jo jānte hoñ kahāñ kalīsā kahāñ haram hai

'habīb' tā-chand fikr-e-daulat kabhī to kar dil se shukr-e-ne.amat
karīm ko hai karam kī aadat magar ye ġhaflat tirī sitam hai

kis ko thī ḳhabar is meñ taḌaḳh jā.egā dil bhī
ham ḳhush the bahut sehn meñ dīvār uThā kar

jo dil meñ hai vahī bāhar dikhā.ī detā hai
ab ār-pār ye patthar dikhā.ī detā hai

kas kar bāñdhī ga.ī ragoñ meñ dil kī girah to Dhīlī hai
us ko dekh ke jī bhar aanā kitnī baḌī tabdīlī hai

baada ba-qadr-e-zarf sahī rasm-e-mai-kada
saaqī nazākat-e-dil-e-mai-ḳhvār dekh kar