Tags-Dil

kisī kī yaad hai dil meñ abhī tak anjuman-ārā
'sabīla' kaun samjhegā ki merā dil hai tanhā.ī

ḳhud dil meñ rah ke aañkh se parda kare koī
haañ lutf jab hai pā ke bhī DhūñDā kare koī

tum ne to hukm-e-tark-e-tamannā sunā diyā
kis dil se aah tark-e-tamannā kare koī

duniyā laraz ga.ī dil-e-hirmāñ-nasīb kī
is tarah sāz-e-aish na chheḌā kare koī

jab javānī ga.ī chhuḌā kar haath
us pe piirī na kuchh chalī dil kī

kisī ke dil par dastak dūñgā kisī ke ġham kā dukhḌā huuñ
sunñe vaale samajh rahe haiñ naġhma huuñ farmā.ish kā

sar ke uupar ḳhaak uḌī to sab dil thaam ke baiTh ga.e
ḳhabar nahīñ thī guzar chukā hai mausam abr-e-navāzish kā

bas ab faqīr kī duniyā meñ aur daḳhl na de
tirī bisāt hai dil bhar so shahr-yārī kar

maiñ kārobār-e-jahāñ ko sameT kar aayā
bas itnī der to dil kī nigāh-dārī kar

yahīñ kahīñ kisī lamhe meñ dil bhī hai larzāñ
tavajjoh saare zamānoñ pe baarī baarī kar

ye qaht-e-nūr to 'bābar' ḳhabar nahīñ kab jaa.e
so dil ke arsa-e-ḳhālī meñ ḳhvāb-yārī kar

shāyad ki inhīñ TukḌoñ meñ kahīñ
vo sāġhar-e-dil hai jis meñ kabhī

yādoñ ke girebānoñ ke rafū
par dil kī guzar kab hotī hai

haal kā lamha patthar Thahrā yuuñ bhī kahāñ guzartā hai
haath milā kar jaane vaalo dil se kahāñ judā hoge

ai mere nā-gufta shero ye to batāo mere ba.ad
kaun se dil meñ qarār karoge kis ke lab se adā hoge

jo terī yādoñ se is dil kā āftāb mile
to merī āñkhoñ ko dariyāoñ kā ḳhitāb mile

terā chehra jo mere dil meñ utar aayā hai
har bashar sañg liye mujh ko nazar aayā hai

ki us ke hañsne kā andāz ye batātā hai
huī nahīñ hai ġham-e-dil se rasm-o-rāh abhī

phir ke jo vo shoḳh nazar kar gayā
tiir sā kuchh dil se guzar kar gayā

ḳhuld-e-barīñ us kī hai vaañ būd-o-bāsh
yaañ kisī dil biich jo ghar kar gayā